பிரபல இயக்குனர் ஐ.வி.சசி காலமானார்

பிரபல திரைப்பட இயக்குனர் ஐ.வி.சசி சென்னையில் இன்று காலமானார். அவருக்கு வயது 69. 

1970 மற்றும் 80-களில் பிரபலமாக இருந்தவர் மலையாள இயக்குனர் ஐ.வி.சசி. இவர், 

தமிழில், கமல், ரஜினி இணைந்து நடித்த ’அலாவுதீனும் அற்புத விளக்கும்’, விஜயகுமார், ஸ்ரீதேவி நடித்த, ’பகலில் ஒரு இரவு’, கமல்ஹாசன் நடித்த குரு, ரஜினிகாந்த் நடித்த ’எல்லாம் உன் கைராசி’, காளி, ஜெயராம் நடித்த ’கோலங்கள்’ உட்பட பல படங்களை இயக்கியுள்ளார். இவர் தனது படங்களில் ஹீரோயினாக நடித்த சீமாவை காதலித்து திருமணம் செய்துகொண்டார். சசி, இயக்கிய 30 படங்களில் ஹீரோயினாக நடித்திருக்கிறார் சீமா. மலையாளம், இந்தி உட்பட சுமார் 150 படங்களை இயக்கியுள்ளார் ஐ.வி.சசி. சென்னை சாலிகிராமத்தில் வசித்து வந்த இவர், கடந்த சில நாட்களாக உடல் நலமில்லாமல் இருந்தார். இன்று மரணமடைந்தார். அவரது மறைவுக்கு ஏராளமான திரையுலகினர் இரங்கல் தெரிவித்து வருகின்றனர்.

மறைந்த இயக்குனர் ஐ.வி. சசிக்கு அனு என்ற மகளும் அனி என்ற மகனும் உள்ளனர்.