சாதனை படைத்த மெர்சல்: ஒரே நாளில் ரூ.33 கோடி வசூல்

விஜய் நடிப்பில் தீபாவளியன்று வெளியான மெர்சல் திரைப்படம் முதல் நாளில் மட்டும் 33 கோடி ரூபாய் வசூல் செய்துள்ளது.

உலகம் முழுவதும் 3,292 திரையரங்குகளிலும், தமிழகத்தில் 750-க்கும் மேற்பட்ட திரையரங்குகளிலும் மெர்சல் திரைப்படம் வெளியானது. முதல்நாள் தமிழகம் முழுவதிலும் 28 கோடி ரூபாய் வசூலான நிலையில், சென்னையில் மட்டும் 1 கோடியே 20 லட்சம் ரூபாய் வசூலானதான அதிகாரப்பூர்வ தகவல் வெளியாகியுள்ளது. படம் வெளியான இரண்டு நாட்களில் தமிழகத்தில் மட்டும் 35 கோடி ரூபாய்க்கும் அதிகமாக வசூல் செய்திருப்பதாக தகவல் வெளியாகியுள்ளது.

படத்தின் தலைப்பு, விலங்குகள் நல வாரியத்தின் தணிக்கை, ஜிஎஸ்டி, பணமதிப்பு நீக்கம் போன்ற கருத்துக்களால் பாஜகவின் எதிர்ப்பு, பெங்களூரு, மைசூரு ஆகிய நகரங்களில் கன்னட அமைப்புகளின் எதிர்ப்பு ஆகிய பல்வேறு தடைகளையும் தாண்டி விஜயின் மெர்சல் படம் வசூலை குவித்து வருகின்றது.