[X] Close

உலகின் அதிக எடையுடன் திகழ்ந்த எகிப்து பெண்மணி காலமானார்

Eman-Ahmed-once-worlds-heaviest-woman-dies

உலகின் அதிக எடை கொண்ட பெண்ணாக திகழ்ந்தவரும், மும்பையில் எடை குறைப்பு சிகிச்சை பெற்றவருமான எகிப்து நாட்டைச் சார்ந்த பெண்மணி ஈமான் அகமது உயிரிழந்தார்.


Advertisement

எகிப்து நாட்டைச் சேர்ந்த ஈமான் அகமது பிறக்கும் போது 5 கிலோவாக இருந்தார். பின்னார் வயது ஆக ஆக அவரது எடை அதிக அளவில் கூடிக்கொண்டே சென்றது. கடந்த 2014-ம் ஆண்டு அவர் 300 கிலோ எடையை எட்டினார். அப்பொழுது முதல் அவரது உடலில் நிறைய உபாதைகள் ஏற்படத் தொடங்கின. இதனால் மருத்துவர்களிடம் சிகிச்சை பெற தொடங்கினார். ஆனால், அடுத்த இரண்டு வருடத்திற்குள் 500 கிலோ எடையை அடைந்தார். உலகின் அதிக எடை கொண்ட பெண் என்ற பெயரும் அவருக்கு கிடைத்தது. உடல் எடையை குறைக்கவும் இதர உடல் உபாதைகளை சரிசெய்யவும் பல்வேறு இடங்களில் அவர் தொடர்ந்து சிகிச்சைபெற்று வந்தார். இருப்பினும் பலனளிக்காததால், ஆன்-லைன் மூலம் மும்பையில் உள்ள மருத்துவமனையை அணுகினார். 

ஈமான் அகமது சுமார் 500 கிலோ எடையுடன் கடந்த ஜனவரி மாதம், மும்பையில் உள்ள மருத்துவமனையில் அனுமதிக்கப்பட்டார். மருத்துவமனையில் மருத்துவர்கள் அளித்த சிகிச்சையால் 240 கிலோ குறைந்ததாக கூறப்பட்டது. பின்னர் சிகிச்சை முடிந்து ஈமான் தாயகம் திரும்பினார். மும்பை சிகிச்சை காரணமாக உலகிலேயே அதிக எடை உடையவர் என்ற பட்டத்தை இழந்தார். 3 ஆண்டுகளாக உலகின் அதிக எடை கொண்ட பெண்ணாக ஈமான் திகழ்ந்தார்.


Advertisement

எடை குறைப்புக்கு பின்னர், கடந்த மே மாதம் முதல் அபுதாபியில் உள்ள மருத்துவமனையில் சிகிச்சை பெற்று வந்தார். கடந்த சில நாட்களாக அவருக்கு சிறுநீரகம் மற்றும் இதயக் கோளாறால் கடுமையாக பாதிக்கப்பட்டு இருந்தார். இந்த நிலையில், அபுதாபி மருத்துவமனையில் ஈமான் அகமது இன்று காலை சிகிச்சை பலனின்றி உயிரிழந்தார். மருத்துவமனை நிர்வாகம் அவரது உயிரிழப்பை உறுதி செய்துள்ளது. கடந்த வாரம்தான் ஈமான் தனது 37-வது பிறந்தநாளை கொண்டாடினார். 

வீடியோ


Advertisement

Advertisement
[X] Close