தமிழக ராணுவ வீரர் பாக். எல்லையில் மாயம்

இந்தியா-பாகிஸ்தான் எல்லையான கார்கில் பகுதியில் ஏற்பட்ட பனிச்சரிவில் சிக்கி தமிழகத்தைச் சேர்ந்த ராணுவ வீரர் மாயமாகியுள்ளார். 

கிருஷ்ணகிரி அருகேயுள்ள அகசியபள்ளி பகுதியைச் சேர்ந்த சிவக்குமார் ராணுவத்தில் ஓட்டுநராக பணிபுரிந்து வந்தார். இவருக்கு மஞ்சுளா என்ற மனைவியும், ஒரு பெண் குழந்தையும் உள்ளன. கார்கில் பனிமலை பகுதியில் சாலையை சீரமைக்கும் பணியில் சிவக்குமார் உள்பட 5 வீரர்கள் ஈடுபட்டுள்ளனர். அப்போது திடீரென ஏற்பட்ட பனிச்சரிவில் சிக்கி 3 பேர் உயிரிழந்தனர். ஒருவர் உயிருடன் மீட்கப்பட்டார்‌. ஆனால் சிவக்குமார் மாயமாகியுள்ளதாக ராணுவம் தரப்பில் இருந்து கிருஷ்ணகிரியில் உள்ள அவரது குடும்பத்திற்கு தகவல் தெரிவிக்கப்பட்டுள்ளது.‌ இதனால் சோகத்தில் மூழ்கியுள்ள குடும்பத்தினர், சிவக்குமாரை மீட்க உரிய நடவடிக்கை எடுக்கவேண்டும் என மாவட்ட ஆட்சியர் அலுவலகத்தில் புகார் அளித்துள்ளார்.