Published : 20,May 2022 11:51 AM

‘ஆண்டவனே வந்து ஆடப் போறான் வாடி வாசல்’ - ‘தி லெஜண்ட்’ படத்தின் 2-வது பாடல் வெளியீடு

Legend-Saravanan-Arul-s-The-Legend-movie-Vaadi-Vaasal-Video-Song-released

லெஜண்ட் சரவணன் நடிப்பில் உருவாகி வரும் ‘தி லெஜண்ட்’ திரைப்படத்தில் இரண்டாவது பாடல் இன்று காலை திங் மியூசிக்கில் வெளியாகி வரவேற்பை பெற்று வருகிறது.

‘உல்லாசம்’, ‘விசில்’ போன்ற வெற்றிப் படங்களை இயக்கிய இரட்டை இயக்குநர்களான ஜேடி - ஜெர்ரி இயக்கத்தில்புதிய படம் ஒன்றில் கதாநாயகனாக அறிமுகமாகிறார் லெஜண்ட் சரவணா ஸ்டோரின் உரிமையாளர் சரவணன் அருள். ‘தி லெஜண்ட்’ என பெயரிடப்பட்டுள்ள இந்தப் படத்தில், பாலிவுட் நடிகை ஊர்வசி ரௌதாலா கதாநாயகியாக தமிழில் அறிமுகமாகிறார். மறைந்த நடிகர் விவேக் இந்தப் படத்தில் முக்கிய வேடத்தில் நடித்துள்ளார். மேலும், மயில்சாமி, பிரபு, ரோபோ சங்கர் ஆகியோர் முக்கியக் கதாபாத்திரத்தில் நடித்துள்ளனர் .

ஹாரிஸ் ஜெயராஜ் இசையமைத்திருக்கும் இந்தப் படம் தமிழ், தெலுங்கு, கன்னடம், இந்தி மற்றும் மலையாளம் என ஐந்து மொழிகளில் வெளியாக உள்ளது. இதற்கிடையில், ‘தி லெஜண்ட்’ படத்தின் `பர்ஸ்ட் லுக் போஸ்டர், தற்போது பிரான்சில் நடைபெற்று வரும் கேன்ஸ் திரைப்பட விழாவில் வெளியிடப்பட உள்ளது. இதனை முன்னிட்டு இந்தப் படத்தின் நாயகி ஊர்வதி ரௌதாலா கேன்ஸ் விழாவில் கலந்து கொண்டு தனது உடைகளால் அசத்தி வருகிறார்.

image

மேலும், இந்தப்படத்தின் இசை மற்றும் ட்ரெயிலர் வெளியிட்டு விழா வரும் மே 29-ம் தேதி சென்னை நேரு உள் விளையாட்டு அரங்கத்தில் பிரம்மாண்டமாக நடைபெற உள்ளது. இந்நிலையில், ஹாரிஸ் ஜெயராஜ் இசையில் கடந்த மாதம் வெளியான ‘மொசலோ மொசலு’ என்கிற பாடல் நல்ல வரவேற்பை பெற்ற நிலையில், தற்போது ‘வாடி வாசல்’ என்ற இரண்டாவது பாடல் திங் மியூசிக் யூ-ட்யூப் சேனலில் வெளியிடப்பட்டுள்ளது.

கிராமத்து திருவிழா பின்னணியில், எடுக்கப்பட்டுள்ள இந்தப் பாடலுக்கு நடிகை ராய் லட்சுமி ஆடி உள்ளார். ‘ஆண்டவனே வந்து ஆடப்போறான் வாடி வாசல் வாடி’ என்ற இந்தப் பாடலில், இசையமைப்பாளர் ஹாரிஸ் ஜெயராஜ் இசையில் தெறிக்கவிட்டுள்ளார். சினேகன் பாடல் வரிகளில், பென்னி தயாள், ஜொனிட்டா காந்தி பின்னணி பாடியுள்ளனர். ராஜூ சுந்தரம் நடனம் அமைத்துள்ளார்.

சற்று முன்



எடிட்டர் சாய்ஸ்