கச்சத்தீவு அந்தோணியார் தேவாலய திருவிழாவில் பங்கேற்க இந்தியர்களுக்கு தடை

கச்சத்தீவு அந்தோணியார் தேவாலய திருவிழாவில் பங்கேற்க நடப்பாண்டிலும் இந்தியர்களுக்கு தடை விதிக்கப்பட்டுள்ளது.

இந்திய, இலங்கை மக்கள் இணைந்து ஆண்டுதோறும் கச்சத்தீவு அந்தோணியார் திருவிழாவை கொண்டாடி வந்தனர். இந்தநிலையில் கடந்தாண்டு கொரோனா பரவல் காரணமாக கச்சத்தீவு திருவிழாவில் மக்களுக்கு அனுமதி வழங்கப்படவில்லை. நடப்பாண்டில் மார்ச் 11,12-ஆம் தேதிகளில் திருவிழா நடைபெறவுள்ள நிலையில், அதில் மக்களை அனுமதிப்பது தொடர்பாக ஆலோசனை நடத்தப்பட்டது.

அதில், இலங்கையைச் சேர்ந்த 500 பேரை மட்டும் கச்சத்தீவு திருவிழாவில் அனுமதிப்பது என அந்தநாட்டு அரசு முடிவெடுத்துள்ளது. கொரோனா பரவலை காரணம் காட்டி, இந்தாண்டும் கச்சத்தீவு திருவிழாவில் இந்தியர்களுக்கு அனுமதி மறுக்கப்பட்டிருப்பது, தமிழக மீனவர்களிடையே மிகுந்த கவலையை ஏற்படுத்தியுள்ளது.

இதையும் படிக்க: உக்ரைன் – ரஷ்யா இடையிலான போர் பதற்றத்துக்கு காரணம் என்ன? : விரிவான அலசல்