இந்திய மாணவர்களின் கல்விக்கு உதவித்தொகை கொடுத்து ஊக்கமளிக்கும் விவோ

“கலைமகள் தனது மகளை சேர்க்க பள்ளி ஏகினாள்

வீணை விற்று கட்டணம் கட்டி வீடு திரும்பினாள்

சரியா? சரியா? ஒரு கல்வி மனித உரிமை என்று காணலையா!

முறையா? ஒரு ஏழை வீட்டில் கல்வி என்ன பொய்யா!” என ரெட் படத்தில் வரும் பாடலில் கவிஞர் வைரமுத்து தனது வரிகள் மூலம் கேட்டிருப்பார். அந்த வகையில் வருங்கால இந்தியாவிற்கு ஊக்கமளிக்கும் விதமாக உலகின் முன்னணி ஸ்மார்ட்போன் உற்பத்தி நிறுவனங்களில் ஒன்றான விவோ நிறுவனம் ‘Vivo For Education’ என்ற திட்டத்தின் மூலம் இந்திய மாணவர்களுக்கு கல்வி உதவித்தொகை வழங்குகிறது. இதனை விவோ இந்தியா தெரிவித்துள்ளது. 

கார்ப்பரேட் நிறுவனங்களுக்கு உள்ள சமூக பொறுப்புணர்வின் கீழ் இந்த திட்டம் செயல்பாட்டுக்கு வந்துள்ளது. அதன் மூலம் சுமார் 10 லட்சம் மதிப்புள்ள 100 ஸ்மார்ட்போன்கள் மற்றும் 1.5 லட்ச ரூபாய் மதிப்பிலான ஊக்கத்தொகையை பொருளாதார ரீதியாக பின்தங்கிய 100 மாணவர்களுக்கு வழங்குகிறது விவோ. நிச்சயம் இன்றைய இக்கட்டான சூழலில் மாணவர்களுக்கு இது உதவும் எனவும் விவோ தெரிவித்துள்ளது. இதற்காக Protean உடன் இணைந்துள்ளது விவோ. 

இந்த திட்டத்தின் கீழ் தற்போது 11-ஆம் வகுப்பு படித்து வரும் மாணவர்களுக்கு விவோ ஸ்மார்ட்போன் மற்றும் கல்வி உதவித் தொகை வழங்க உள்ளதாக தெரிவிக்கப்பட்டுள்ளது. அதோடு சுமார் 65 மாணவர்களுக்கு 8 லட்ச ரூபாய் ஊக்கத்தொகை அளிக்க உள்ளதாகவும் தெரிவித்துள்ளது விவோ.