[X] Close

திருச்சி: பயணியிடம் ஆபாசமாக பேசிய ஓலா ஆட்டோ ஓட்டுநர்

தமிழ்நாடு

Trichy-Audio-viral-of-Ola-Auto-driver-who-spoke-obscenely-to-a-passenger

திருச்சி ஓலா ஆட்டோ  புக் செய்த பயணியை தரக்குறைவாக ஆபாச வார்த்தைகளில் பேசிய டிரைவரின் ஆடியோ சமூக வலைத்தளத்தில் வைரலாகி வருகிறது.

திருச்சி மருதாண்டகுறிச்சி பகுதியை சேர்ந்தவர் தர்மராஜ். இவர் நேற்று(05.11.2021) திருச்சி என்.எஸ்.சி போஸ் ரோட்டில் வீட்டு உபயோக பொருட்களை வாங்குவதற்கு தன் தாய் தந்தையுடன் சென்று உள்ளார். மீண்டும் வீடு திரும்புவதற்கு ஓலா ஆட்டோ புக் செய்துள்ளார் .

மறுமுனையில் பேசிய ஓலா ஆட்டோ டிரைவர் ராஜவேல் எவ்வளவு ரூபாய் காட்டுகிறது என கேட்ட போது 90 ரூபாய் காட்டுவதாக  தர்மராஜ் குறிப்பிட்டார், அதற்கு அந்த ஓட்டுநர் 120 ரூபாய் வேணும் என கேட்டுள்ளார். தருகிறேன் என தர்மராஜ் ஒப்புக்கொண்டுள்ளார் . ஆனாலும் அவர் கோட்டைவாசல் முன்னதாக உள்ள சர்ச் வாசலில் ஆட்டோ வந்து ஏற்ற முடியாது. நீங்கள் எதிர்புறம் உள்ள 200 மீட்டர் கடந்து சாலையில் வந்து நில்லுங்கள் என உத்தரவிட்டுள்ளார்.


Advertisement

image

என் தாய் தந்தை வயதானவர்கள் அவர்களால் நடக்க முடியாது என தர்மராஜ் குறிப்பிட , அதை ஆட்டோ ஓட்டுநர் காதில் வாங்காமல் ஆபாச வார்த்தைகளில் திட்டி தீர்த்துள்ளார். உங்களுக்கெல்லாம் எதற்கு ஓலா ஆட்டோ என அவரையும் அவர் குடும்பத்தையும் திட்டியுள்ளார். இதனால் மன உளைச்சலுக்கு ஆளான தர்மராஜ் ஓலா ஆட்டோ வாடிக்கையாளர் சேவை மையத்திற்கு புகார் தெரிவித்தார். அது மட்டுமல்லாமல் காவல்துறைக்கும், முதல்வரின் தனி பிரிவிற்கும் ட்விட்டர் மூலம் புகார்களை அனுப்பியுள்ளார்.

மேலும், இரவு நேரத்தில் பணிபுரியும் பெண்கள் ஓலா ஆட்டோ புக் செய்யும்போது அவர்களிடம் ஓட்டுநர்கள் தகாத வார்த்தைகளை பயன்படுத்துவதாக அதிகமான புகார்கள் வருவதாக குறிப்பிடுகிறார் தர்மராஜ். மேலும், ஓலா ஆட்டோ வாடிக்கையாளர் சேவை மையத்தில் புகார் கொடுத்ததற்கு அவருக்கான சேவை இணைப்பு துண்டிக்கப்பட்டு உள்ளதாகவும் குறிப்பிடுகிறார். 

இதனைப்படிக்க...பீகார்: கள்ளச்சாராயம் குடித்து 25க்கும் மேற்பட்டோர் இறப்பு - அரசு அதிகாரிகள் சஸ்பெண்ட் 

 

Advertisement:

Advertisement

Advertisement
[X] Close