[X] Close

அடுத்த 48 மணிநேரத்துக்கு சென்னையின் வானிலை எப்படி? வானிலை ஆய்வு மைய இயக்குநர் தகவல்

தமிழ்நாடு

Chennai-Meteorological-Center-Director-interview-regarding-chennai-climate

டெல்டா மாவட்டங்கள் மற்றும் புதுக்கோட்டை, கடலூர் மாவட்டங்களுக்கு ஆரஞ்சு அலர்ட் என்று சென்னை வானிலை ஆய்வு மையம் தெரிவித்துள்ளது.

லட்சத்தீவு மற்றும் தென்கிழக்கு அரபிக்கடல் பகுதியில் நிலவும் குறைந்த காற்றழுத்த தாழ்வு பகுதி மற்றும் தென் தமிழகத்தை ஒட்டி நிலவும் வளிமண்டல மேலடுக்கு சுழற்சி உருவாகியுள்ளது. இதன் காரணமாக இன்று ஆரஞ்சு எச்சரிக்கை விடுக்கப்பட்டுள்ள டெல்டா மாவட்டங்கள் மற்றும் கடலூர், புதுக்கோட்டை மாவட்டங்களில் ஓரிரு இடங்களில் இடி மின்னலுடன் கூடிய கன முதல் மிக கன மழையும் என சென்னை வானிலை ஆய்வு மைய இயக்குநர் தெரிவித்துள்ளார்.

image


Advertisement

மேலும் பேசுகையில், “விழுப்புரம், அரியலூர், பெரம்பலூர், திருச்சிராப்பள்ளி, திருவண்ணாமலை, காஞ்சிபுரம், செங்கல்பட்டு, திருவள்ளூர், மதுரை, சேலம், கோயம்புத்தூர், நீலகிரி, தேனி, திண்டுக்கல் மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்களில் பெரும்பாலான இடங்களில் இடி மின்னலுடன் கூடிய மிதமான மழையும் பெய்யக்கூடும்.

தொடர்புடைய செய்தி: 17 மாவட்டங்களுக்கு கனமழை எச்சரிக்கை விடுத்த சென்னை வானிலை ஆய்வு மையம்

நாளை டெல்டா மாவட்டங்கள், சேலம், நாமக்கல், ஈரோடு, கரூர், திருச்சிராப்பள்ளி, கோயம்புத்தூர், நீலகிரி மாவட்டங்கள் மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்கள் மற்றும் புதுவை பகுதிகளில் பெரும்பாலான இடங்களில் இடி மின்னலுடன் கூடிய மிதமான மழையும் பெய்யக்கூடும்

சென்னையை பொறுத்தவரை அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் மிதமான மழை பெய்யக்கூடும்.

இன்று மற்றும் நாளை (நவம்பர் 3 மற்றும் 4 தேதிகளில்) கேரள கடலோரப் பகுதிகள், லட்சத்தீவு, மற்றும் தென்கிழக்கு அரபிக் கடல் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும்என்பதால் மீனவர்களுக்கு எச்சரிக்கை விடுக்கப்பட்டுள்ளது. நவம்பர் 5 மற்றும் 6 தேதிகளில் மத்திய கிழக்கு அரபிக்கடல் மற்றும் அதனை ஒட்டிய தென்கிழக்கு அரபிக்கடல் பகுதிகள், கர்நாடக கடலோரப் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும் என்பதால் அன்றைய தினம் மீனவர்கள் இப்பகுதிகளுக்கு செல்ல வேண்டாம் என்று அறிவுறுத்தப்பட்டுள்ளார்கள்” என்று தெரிவித்தார்.

image

கடந்த 24 மணி நேரத்தில் பதிவான மழை அளவு (சென்டிமீட்டரில்) குறித்த விவரம்:

பேராவூரணி (தஞ்சை), அதிராமபட்டினம் (தஞ்சை), மலையூர் (புதுக்கோட்டை) தலா 17 செ.மீ

புவனகிரி (கடலூர்) 14, நாகப்பட்டினம் (நாகப்பட்டினம்) 13 செ.மீ

தொழுதூர் (கடலூர்), சேத்தியாத்தோப்பு (கடலூர்) தலா 12 செ.மீ

பெருங்களூர் (புதுக்கோட்டை), காரைக்கால் (காரைக்கால்), லப்பைக்குடிகாடு (பெரம்பலூர்), கீழ அணைக்கட்டு (தஞ்சை) தலா 11 செ.மீ

எறையூர் (பெரம்பலூர்), மணல்மேடு (மயிலாடுதுறை), அகரம் சீகூர் (பெரம்பலூர்), குப்பநத்தம் (கடலூர்), கடவனூர் (கள்ளக்குறிச்சி) தலா 10 செ மீ மழை பதிவாகி உள்ளது.

Advertisement:

Advertisement

Advertisement
[X] Close