சென்னையில் 188, கோவையில் 163 பேருக்கு கொரோனா - மாவட்ட வாரியான முழு நிலவரம்

தமிழகத்தில் கடந்த 24 மணிநேரத்தில் 1,578 பேருக்கு தொற்று உறுதிசெய்யப்பட்டுள்ளது. முந்தைய நாளில் ஒருநாள் கொரோனா பாதிப்பு 1,597 என உருவாகியிருந்த நிலையில், இன்று பாதிப்பு சற்று உயர்ந்துள்ளது. 1,51,855 மாதிரிகள் பரிசோதனை செய்யப்பட்டிருந்தது குறிப்பிடத்தக்கது.

இன்று பாதிப்பு உறுதி செய்யப்பட்டவர்களில் 12 வயதுக்குட்பட்டோர் 94 பேர் குழந்தைகள்தாம். அதேபோல சென்னையை சேர்ந்தவர்கள் 188 பேர். முன்னராக சென்னையில் 190 பேருக்கு உறுதிசெய்யப்பட்டிருந்தது குறிப்பிடத்தக்கது.

கொரோனாவால் இன்று ஒரு நாளில் மேலும் 24 பேர் உயிரிழந்திருக்கின்றனர். இவர்களில் அரசு மருத்துவமனைகளில் 16 பேர்களும், தனியார் மருத்துவமனைகளில் 8 பேர்களும் உயிரிழந்துள்ளனர். இதன்மூலம் மொத்த உயிரிழப்பு 35,627 என உயர்ந்துள்ளது.

தற்போதைய கொரோனா சிகிச்சையில் 17,046 பேர் சிகிச்சையிலுள்ளனர். மேலும் 1,607 பேர் குணமடைந்த நிலையில் இதுவரை 26,14,291 பேர் குணமடைந்து வீடு திரும்பியுள்ளனர்.