மத்திய அரசு வெளியிட்டுள்ள நாட்டின் சிறந்த பொறியியல் கல்வி நிறுவனங்களுக்கான பட்டியலில் சென்னை ஐஐடி முதலிடம் பிடித்துள்ளது.

இந்தப் பட்டியலில் அண்ணா பல்கலைக்கழகத்துக்கு 8-வது இடம் கிடைத்துள்ளது. வேலூர் தொழில்நுட்ப கல்வி குழுமம் 13-வது இடமும், கோவையில் உள்ள பிஎஸ்ஜி தொழில்நுட்ப கல்லூரி 33-வது இடமும் பெற்றுள்ளன. இதில் எஸ்ஆர்எம் கல்வி குழுமம் 35-வது இடம் பிடித்துள்ளது.

சிறந்த பல்கலைக்கழகங்களுக்கான பட்டியலில் பெங்களூரு அறிவியியல் கல்வி நிறுவனத்துக்கு முதலிடம் கிடைத்துள்ளது. டெல்லி ஜெ.என்.யூ பல்கலைக்கழகம் 2-வது இடமும், சென்னை அண்ணா பல்கலைக்கழகம் 6-வது இடமும், கோவை அமிர்தா பல்கலைக்கழகம் 9-வது இடமும் பிடித்துள்ளன. இதேபோல் கோவை வேளாண் பல்கலைக்கழகம் 20-வது இடமும், எஸ்ஆர்எம் அறிவியல் தொழில்நுட்ப கழகம் 34-வது இடமும் பிடித்துள்ளன.

சிறந்த கல்லூரிகளுக்கான பட்டியலில் சென்னை லயோலா கல்லூரி தேசிய அளவில் 2-வது இடம் பிடித்துள்ளது. திருச்சி பிஷப் ஹூபர் கல்லூரி, சென்னை பெண்கள் கல்லூரி, கோவை பிஎஸ்ஜி கல்லூரி, மெட்ராஸ் கிறிஸ்டியன் கல்லூரி ஆகியவையும் இந்தப் பட்டியலில் இடம் பிடித்துள்ளன.