அம்பயரின் தவறான முடிவால் சூர்யகுமார் யாதவ் அவுட்: கடுப்பான கோலி - வைரல் வீடியோ!

இங்கிலாந்துக்கு எதிரான நான்காவது டி20 போட்டியில் அசத்தலாக ரன் குவிப்பில் ஈடுபட்ட இந்திய பேட்ஸ்மேன் சூர்யகுமார் யாதவ் அம்பயரின் தவறான முடிவால் ‘அவுட்’ என அறிவிக்கப்பட்டு வெளியேற்றப்பட்டார். அது சர்ச்சையாகவும் வெடித்தது. இந்நிலையில் பவுண்டரி லைனுக்கு அருகே இருந்த டக்கவுட்டில் அமர்ந்திருந்த கேப்டன் கோலி அதை பார்த்ததும் எழுந்து நின்று அம்பயரை நோக்கி கையை காட்டியபடி ‘அது அவுட் இல்லை’ என தெரிவித்துள்ளார். தற்போது அந்த வீடியோ இணையத்தில் வைரலாகி உள்ளது. 

இந்தியாவும், இங்கிலாந்தும் 5 போட்டிகள் கொண்ட டி20 தொடரில் விளையாடி வருகிறது. நேற்று நடந்த நான்காவது போட்டியில் இந்தியா 8 ரன்கள் வித்தியாசத்தில் வெற்றி பெற்றது. அதன் மூலம் இந்த தொடர் 2 - 2 என சமநிலையில் உள்ளது. நாளை நடைபெற உள்ள ஐந்தாவது போட்டியே தொடரின் வெற்றியாளரை தீர்மானிக்கும். 

These types of reactions are the consequences of a mentally challenged average decision-making policy of 3rd standard umpring in an enhanced technology, period.@imVkohli @surya_14kumar @BCCI pic.twitter.com/EeALeR4lGT

Advertisement

— Umesh Bharatpuria (@umeshbhartpuria) March 18, 2021

இந்தியாவுக்காக சர்வதேச களத்தில் முதல்முறையாக பேட் செய்த சூர்யகுமார் யாதவ் 31 பந்துகளில் 57 ரன்களை குவித்தார். இந்நிலையில் தான் ஆட்டத்தின் 14வது ஓவரை சாம் கரன் வீசினார். அந்த ஓவரின் இரண்டாவது பந்தை பைன் லெக் திசையில் ரேம்ப் ஆட முயல, அவர் அடித்த பந்து பீல்டர் டேவிட் மாலனின் கைகளில் தஞ்சம் அடைந்திருக்கும். இருப்பினும் பந்து தரையில் பட்டது போல இருக்கும். ஆனால் மூன்றாவது அம்பயரின் ரீபிளேயில் அது தெரிந்தது. அது தான் தற்போது சர்ச்சையாகி உள்ளது.