"இங்கிலாந்து அணியில் மாற்றங்கள் இருக்கும்" -கேப்டன் ஜோ ரூட்!

இந்திய அணிக்கு எதிராக நாளை தொடங்க இருக்கும் இரண்டாவது டெஸ்ட் போட்டியில் சிலர் இடம்பெறமாட்டார்கள் என்று கேப்டன் ஜோ ரூட் தெரிவித்துள்ளார்.

இந்தியா - இங்கிலாந்து அணிகளுக்கு இடையிலான இரண்டாவது டெஸ்ட் கிரிக்கெட் போட்டி நாளை சென்னை சேப்பாக்கம் மைதானத்தில் தொடங்குகிறது. இரு அணிகளுக்கு இடையே முதல் டெஸ்ட் போட்டி அண்மையில் முடிவடைந்தது. முதல் டெஸ்ட்டில் இந்தியா 277 ரன்கள் வித்தியாசத்தில் தோல்வியடைந்தது. முதல் டெஸ்ட் போட்டியில் இங்கிலாந்து கேப்டன் ஜோ ரூட் இரட்டைச் சதமடித்தார்.

இந்நிலையில் செய்தியாளர்களிடம் ஆன்லைன் மூலம் பேசிய ஜோ ரூட் "நாளையப் போட்டியில் ஆர்ச்சர், ஆண்டர்சன், பெஸ் ஆகியோர் காயம் காரணமாக விளையாடமாட்டார்கள். இது எங்களுக்கு சற்றே பின்னடைவுதான் என்றாலும் ஒரு மகிழ்ச்சியான விஷயம் என்னெவன்றால் ஜோப்ரா ஆர்ச்சர் 3-ஆவது டெஸ்ட் போட்டிக்கு முன்பதாகவே முழுதும் தயாராகிவிடுவார்" என்றார்,

மேலும் பேசிய அவர் "டெஸ்ட் போட்டியில் பார்வையாளர்கள் இல்லாதது வருத்தமாக இருந்தது. ஆனால் நாளைய டெஸ்ட் போட்டியில் பார்வையாளர்கள் அனுமதிக்கப்படுவது மிகுந்த உற்சாகத்தை தருகிறது, நாளையப் போட்டியில் சுழற்பந்துவீச்சாளர் பெஸ் இடம்பெறமாட்டார், இது ஒரு கடினமான முடிவுதான். ஆண்டர்சன் கடைசி இரண்டுப் போட்டியிலும் பஙகேற்க வேண்டும் என்பதால்தான் இப்போதே ஓய்வு கொடுக்கப்பட்டுள்ளது" என்றார் ஜோ ரூட்