[X] Close >

இலங்கை இறுதி யுத்தத்தில் உயிரிழந்த தமிழர்கள் எத்தனை பேர்? - சரத் பொன்சேகா விளக்கம்

Ex-army-chief-Sarath-Fonseka-speaks-about-sri-lankan-tamilians

இலங்கை இறுதிப் போரில் கொல்லப்பட்ட தமிழர்களின் எண்ணிக்கை குறித்தும், அப்போது நடந்த நிகழ்வுகளின் பின்னணி பற்றியும் அந்நாட்டு நாடாளுமன்றத்தில் சரத் பொன்சேகா விளக்கம் அளித்துள்ளார்.


Advertisement

இலங்கை அரசுக்கும் விடுதலைப் புலிகளுக்கு இடையிலான போரில் நடந்த மர்மங்கள் இன்னும் விலகாமல் இருந்து வருகின்றன. இறுதிக்கட்டபோரின்போது சுமார் 40,000 தமிழர்கள் கொல்லப்பட்டதாக குற்றச்சாட்டு உள்ளது. இந்தக் குற்றச்சாட்டு தற்போது நடந்து வரும் இலங்கை நாடாளுமன்றத் கூட்டத்தொடரிலும் எதிரொலித்தது. இறுதிகட்ட போரின்போது ராணுவத் தளபதியாக இருந்தவரும், ஐக்கிய மக்கள் சக்தி கட்சியின் தற்போதைய எம்.பி.யுமான சரத் பொன்சேகா இதற்கு விளக்கம் அளித்தார்.

"இந்தக் குற்றச்சாட்டு பொய். இறுதி யுத்தத்தில் 5,000 முதல் 6,000 வரையிலான தமிழ் மக்கள் உயிரிழந்தனர். விடுதலைப் புலிகளின் பதுங்கு குழிகளில் பொதுமக்கள் கேடயமாக முன்னிறுத்தப்பட்டனர். அதன்காரணமாகவே இத்தனை உயிரிழப்புகள் நிகழ்ந்தன. இதுபோன்று பதுங்குக் குழிகளில் கேடயமாக முன்னிறுத்தப்பட்ட பல்லாயிரக்கணக்கான மக்களை நான் காப்பாற்றினேன். இறுதிக்கட்ட போரின்போது இது மாதிரியான சூழ்நிலையில் இருந்து இரண்டு நாட்களில் சுமார் 2,70,000 பொதுமக்களை இலங்கை ராணுவம் காப்பாற்றியது. இதில் 50,000 பேர் விடுதலைப் புலிகள் இயக்கத்திடம் இருந்து வனப்பகுதி வழியாக தப்பி வந்தவர்கள்.


Advertisement

image

வடக்கில் எந்தவொரு பொதுமக்களும் ராணுவத்தால் கொல்லப்படவில்லை. மக்களை யுத்தத்தின் மூலம் எங்கள் படை காப்பாற்றியது. இறுதிகட்ட போர் நடந்த காலகட்டத்தில் விடுதலைப்புலி இயக்கத்தில் 35 ஆயிரம் உறுப்பினர்கள் இருந்தனர். அவர்களில் 23,000 பேரை எனது தலைமையிலான ராணுவம் கொன்றது. மீதமுள்ளவர்களை உயிருடன் கைது செய்து, அவர்களுக்கு மறுவாழ்வு அளிக்க நடவடிக்கை எடுக்கப்பட்டது.

அப்போது, விடுதலைப் புலிகள் அமைப்பின் முன்னாள் உறுப்பினர்கள் இருவர், கிளைமோர் குண்டு ஒன்றுடன் கைது செய்யப்பட்டனர். தற்போதும் விடுதலைப் புலிகளின் நிழல்கள் இலங்கையில் செயல்பட்டு வருகின்றன. மீண்டும் இலங்கையில் பயங்கரவாதம் உருவாக இடமளிக்க முடியாது. தற்போது இலங்கை பாதுகாப்புப் பிரிவுகளை மறுசீரமைக்க வேண்டிய நேரம். பாதுகாப்பு பிரிவுகளை மறுசீரமைக்க அரசு பரிசீலிக்க வேண்டும். அதேபோல் ராணுவ கட்டமைப்பையும் வலுப்படுத்தப்பட வேண்டும்.


Advertisement

image

ஒரு நாட்டின் ராணுவ கட்டமைப்பு வலுவாக இருந்தால் அந்த நாட்டிற்கு அது கம்பீரமான ஒன்று. போருக்குப் பின் இலங்கை ராணுவம் மறுசீரமைக்கப்படவில்லை. 1955-ல் தயாரிக்கப்பட்ட பீரங்கிகளையே இலங்கை ராணுவம் இப்போதும் பயன்படுத்துகிறது" என்று பொன்செகா கூறினார்.

விடுதலைப் புலிகள் மீதான தடையை இலங்கை நீக்கியுள்ளது குறித்து நாடாளுமன்றத்தில் பேச்சு எழுந்தபோது, "எங்களுக்கு தமிழர்களுடனோ அல்லது முஸ்லிம்களுடனோ எந்த விரோதமும் இல்லை. ஆனால், பிரிவினைவாதத்தை அனுமதிக்க முடியாது, நாட்டை பிளவுபடுத்த முடியாது என்று நாங்கள் கருதுகிறோம்" என்று அமைச்சர் ஒருவர் கூறினார்.

Advertisement:

Advertisement

Advertisement

Advertisement
[X] Close