முதல் ஒருநாள் போட்டி: இந்தியாவுக்கு எதிராக முதலில் பேட் செய்யும் ஆஸ்திரேலியா !

இந்தியா - ஆஸ்திரேலியா அணிகள் இடையே சிட்னியில் நடைபெறும் முதல் ஒருநாள் போட்டியில் டாஸ் வென்ற ஆஸ்திரேலியா முதலில் பேட் செய்கிறது.

2020-ஆம் ஆண்டில் ஏறத்தாழ சுமார் 8 மாதங்களுக்கு பிறகு இந்திய கிரிக்கெட் அணி முதல் முறையாக களம் இறங்க உள்ளது. ஆஸ்திரேலியா சென்றுள்ள இந்திய அணி 3 போட்டிகள் கொண்ட ஒரு நாள் தொடரில் விளையாட உள்ளது. இந்தத் தொடரில் கொரோனா தவிர்ப்பு நடவடிக்கையாக அரங்கில் உள்ள மொத்த இருக்கைகளின் எண்ணிக்கையில் பாதியளவு ரசிகர்கள் அனுமதிக்கப்பட உள்ளனர்.

விராட் கோலி தலைமையில் ஆடும் இந்திய அணி 1992-ஆம் ஆண்டு உலகக் கோப்பையில் இந்திய அணி அணிந்து ஆடிய நீல நிற ஜெர்சியைப் போன்ற ஆடையையே அணிந்து ஆட உள்ளது. இந்தப் போட்டியில் டாஸ் வென்ற ஆஸி கேப்டன் ஆரோன் பின்ச் முதலில் பேட்டிங் செய்ய தீர்மானித்தார். இதனையடுத்து கோலி தலைமையிலான இந்திய அணி பவுலிங் செய்கிறது.

ஆஸ்திரேலிய அணி: டேவிட் வார்னர். ஆரோன் பின்ச், ஸ்டீவன் ஸ்மித், மார்னஸ் லபுஷானே, மார்கஸ் ஸ்டொய்னிஸ், அலெக்ஸ் கரே, மேக்ஸ்வெல், பாட் கம்மின்ஸ், மிட்சல் ஸ்டார்க், ஆடம் ஜாம்பா, ஹேசல்வுட்

இந்திய அணி: ஷிகர் தவன், மயாங்க் அகர்வால், விராட் கோலி, ஸ்ரேயாஸ் ஐயர், கே.எல்.ராகுல், ஹர்திக் பாண்ட்யா, ஜடேஜா, முகமது சமி, நவ்தீப் சைனி, பும்பா, சஹால்.