நாளுக்கு நாள் வேகம்.. மகாராஷ்டிராவில் 1 லட்சத்தை தாண்டியது கொரோனா பாதிப்பு

மகாராஷ்டிராவில் நாளுக்கு நாள் கொரோனாவின் தாக்கம் அதிகரித்து வரும் வேளையில் நேற்று ஒரே நாளில் 3428 பேருக்கு கொரோனா உறுதியாகியுள்ளது

இந்தியாவில் கொரோனா தொற்று பெரும் அச்சுறுத்தலை ஏற்படுத்தியுள்ளது. குறிப்பாக மகாராஷ்டிரா அதிக பாதிப்புகளை சந்தித்து வருகிறது. அங்கு, நேற்று ஒரேநாளில் 3428 பேர் கொரோனாவால் பாதிக்கப்பட்டுள்ளனர். மாநிலம் முழுவதும் 1,04,568 பேர் கொரோனாவால் பாதிக்கப்பட்டுள்ளனர். நேற்று மட்டும் 113 பேர் கொரோனாவால் உயிரிழந்துள்ளனர். மகாராஷ்டிராவில் மொத்தம் இதுவரை 3830 பேர் கொரோனாவால் உயிரிழந்துள்ளதாக அரசு தெரிவித்துள்ளது.

குறிப்பாக பரபரப்புக்கு பஞ்சமில்லாத மும்பை அதிக பாதிப்புகளை சந்தித்துள்ளது. மும்பையில் மட்டும் நேற்று 1380 பேர் பாதிக்கப்பட்டுள்ளனர். நேற்றைய தின உயிரிழப்பு மட்டுமே 69ஆக உள்ளது. இதுவரை மும்பையில் 2,113 பேர் கொரோனாவுக்கு பலியாகியுள்ளனர். இதுவரை மகாராஷ்டிராவில் 49,346 பேர் குணமடைந்துள்ள நிலையில் 51,392 பேர் தற்போது சிகிச்சையில் உள்ளனர்.

கொரோனா பரிசோதனைகளை அதிகரிக்கும் விதமாக தனியார் மருத்துவமனைகளில் கொரோனா பரிசோதனைக்கான கட்டணத்தை மகாராஷ்டிரா அரசு குறைத்து உத்தரவிட்டுள்ளது. ரூ.4500ஆக இருந்த கட்டணம் தற்போடு ரூ.2200ஆக குறைக்கப்பட்டுள்ளது.

கொரோனாவால் பாதிக்கப்பட்ட இன்ஸ்பெக்டருக்கு சொந்த செலவில் உதவிய சென்னை கமிஷ்னர் !