மருத்துவமனையில் உற்சாகமாகப் பணி‌யை தொடங்கிய திருநங்கை அன்புரூபி

தூத்துக்குடி மாவட்டம் விளாத்திகுளம் அரசு மருத்துவமனையில் பணியில் சேர்ந்த இந்தியாவின் முதல் திருநங்கை செவிலி‌யருக்கு சிறப்பான ‌வரவேற்பு அளிக்கப்பட்டது. 

தூத்துக்குடி மாவட்டம் சாயர்புரம் அருகே உள்ள சேர்வைக்காரன் மடம் கிராமத்தை சேர்ந்த பார்வையற்றவரான ரத்தினபாண்டி, இவரது மனைவி தேன்மொழி ஆகியோருக்கு பிறந்தவர் அன்புராஜ். கூலித் தொழிலாளர்களான இவர்களின் ஒரே மகன் என்பதால் அன்புராஜை பாசத்தோடு வளர்த்தனர்.  பள்ளிப் பருவத்தில் அன்புராஜின் உடலில் திடீர் மாற்றங்கள் ஏற்பட்டன. அன்புராஜ் படிப்படியாக திருநங்கையாக மாறினார். தனது பெயரை அன்பு ரூபி என மாற்றிக் கொண்டார். 

இந்நிலையில், அன்பு ரூபி பி.எஸ்.சி., நர்சிங் படிப்பு முடித்து மருத்துவ பணியாளர்கள் தேர்வு வாரியம் வாயிலாக பல்வேறு பொறுப்புகளுக்கு நடத்தப்பட்ட தேர்வில் கலந்து கொண்டார். பின்னர் செவிலியராக தேர்வு செய்யப்பட்டு, நாட்டில் முதன் முறையாக தேர்வு செய்யப்பட்ட திருநங்கை என்ற பெருமையும் அவருக்கு கிடைத்தது. அண்மையில் சென்னையில் நடந்த விழாவில் முதல்வர் பழனிச்சாமியிடம், திருநங்கை அன்புரூபி தனது பணி நியமன ஆணையை பெற்றுக்கொண்டார். 

இதையெடுத்து அவருக்கு தூத்துக்குடி மாவட்டம் விளாத்திகுளம் அரசு மருத்துவமனையில் பணி ஒதுக்கீடு செய்யப்பட்டது. இதையெடுத்து அன்புரூபி நேற்று விளாத்திகுளம் அரசு மருத்துவமனையில் தனது பணியை தொடங்கினார். பணிக்கு வந்த  அன்புரூபிக்கு மருத்துவர்கள், மருத்துவமனை ஊழியர்கள் சிறப்பான வரவேற்பு அளித்தனர்.