விண்ணில் பாயும் பிஎஸ்எல்வி-சி47 ராக்கெட் முதல்.. தோனியின் எதிர்காலம் வரை #TopNews

சிவசேனா, தேசியவாத காங்கிரஸ், காங்கிரஸ் கூட்டணியின் தலைவராக தேர்ந்தெடுக்கப்பட்டார் உத்தவ் தாக்கரே. மகாராஷ்டிரா முதலமைச்சராக நாளை பதவியேற்கிறார்.

இன்று காலை விண்ணில் ஏவப்படுகிறது பிஎஸ்எல்வி-சி47 ராக்கெட். இந்தியாவின் கார்டோசாட் - 3 செயற்கைக் கோள் மற்றும் அமெரிக்காவின் 13 சிறு செயற்கைக் கோள்களை சுமந்து செல்கிறது.

இடஒதுக்கீட்டின் வரலாறு பற்றி அக்கறையின்றி‌ பேசுகிறார் முதலமைச்சர் எடப்பாடி பழனிசாமி. திமுக தொண்டர்களுக்கு எழுதிய கடிதத்தில் மு.க.ஸ்டாலின் விமர்சனம்.

உள்ளாட்சித் தேர்தலில் மேயர் உள்ளிட்ட பதவிகளுக்கு மறைமுக தேர்தல் நடத்துவதை எதிர்த்து வழக்கு. விசாரணையை அடுத்த வாரத்துக்கு ஒத்திவைத்தது உயர்நீதிமன்ற மதுரை கிளை.

தமிழகத்தில் அடுத்த 4 நாட்கள் மழை நீடிக்க வாய்ப்பு இருப்பதாக வானி‌லை மையம் தகவல். குமரி கடல் பகுதிக்கு செல்ல வேண்டாம் என மீனவர்களுக்கு எச்சரிக்கை.

தோனியின் எதிர்காலம் குறித்து தெரிந்து கொள்ள அடுத்த ஐபிஎல் தொடர் வரை காத்திருங்கள். இந்திய அணியின் தலைமை பயிற்சியாளர் ரவி சாஸ்திரி பேட்டி.