ஜூனியர்களை மொட்டையடிக்க வைத்த சீனியர்கள் - மருத்துவக் கல்லூரி அவலம்

முதலாமாண்டு மருத்துவ மாணவர்களை சீனியர்கள் கட்டாயப்படுத்தி மொட்டையடிக்க வைத்த சம்பவம் உத்தரப் பிரதேசத்தில் நிகழ்ந்துள்ளது.

உத்தரப் பிரதேசம் எடவாஹ் மாவட்டத்தில் உள்ள மருத்து பல்கலைக் கழகத்தில் மாணவர்கள் வித்தியாசமான முறையில் ராக்கிங் செய்யப்பட்டுள்ளனர். முதலாண்டு மாணவர்களை சீனியர்கள் கட்டாயப்படுத்தி மொட்டையடிக்க வைத்துள்ளனர். அத்துடன் தலை வணங்கி மரியாதை செலுத்த வைத்துள்ளனர். ஏராளமான மாணவர்கள் மொட்டை அடிக்க வைக்கப்பட்ட சம்பவம் பல்கலைக் கழகத்தில் பரபரப்பை ஏற்படுத்தியது. இதுதொடர்பாக வீடியோவும் வைரல் ஆனது.

அதனையடுத்து, ராக்கிங்கில் ஈடுபட்ட மாணவர்கள் மீது கடுமையான நடவடிக்கை எடுக்கப்படும் என்று பல்கலைக் கழக துணை வேந்தர் ராஜ்குமார் தெரிவித்துள்ளார். சம்பந்தப்பட்ட சீனியர் மாணவர்கள் சஸ்பெண்ட் செய்யப்பட்டுள்ளதாகவும், முதலாமாண்டு மாணவர்கள் கவலைப்பட தேவையில்லை என்றும் அவர் கூறியுள்ளார்.

Etawah: Junior students of UP University of Medical Sciences,Saifai seen with shaved heads on campus, allegedly as part of ragging. Vice Chancellor says "If there has been any indiscipline,strict action will be taken. Students can approach at least their warden. I'll keep an eye" pic.twitter.com/DpKrCfRARe

Advertisement

— ANI UP (@ANINewsUP) August 20, 2019