[X] Close

விரைவுச் செய்திகள்: மீண்டும் இயங்கும் இ-பதிவு சைட் | பெட்ரோல் விலை உயர்வு - விளக்கம்

Subscribe
Tamilnadu--India-news-till-4-PM

தமிழகத்தில் காலை முதல் முடங்கியிருந்த இ- பதிவுக்கான இணையதளம் மீண்டும் செயல்படத் தொடங்கியது. தொழில்நுட்ப கோளாறுகள் சரி செய்யப்பட்ட நிலையில் மீண்டும் பதிவுகள் தொடங்கப்பட்டது.


Advertisement

இன்று மாலை பிரதமர் மோடி உரை: இன்று மாலை 5 மணிக்கு பிரதமர் நரேந்திர மோடி நாட்டு மக்களுக்கு உரையாற்றுகிறார். கொரோனா 2ஆவது அலையால் மக்கள் பாதிக்கப்பட்டுள்ள நிலையில் முக்கிய அறிவிப்பு வெளியாக வாய்ப்புள்ளதாக தெரிகிறது.

கூடுதல் கட்டணம் வசூலித்தால் உரிமம் ரத்து: கொரோனா சிகிச்சைக்கு கூடுதல் கட்டணம் வசூலிக்கும் தனியார் மருத்துவமனைகளின் உரிமம் ரத்து செய்யப்படும் என தமிழக அரசு எச்சரிக்கை விடுத்துள்ளது. தனியார் மருத்துவமனைகளை அரசு கட்டுப்பாட்டில் எடுத்து இலவச சிகிச்சை வழங்கக்கோரிய வழக்கில் உயர்நீதிமன்றத்தில் தமிழக அரசு இவ்வாறு பதிலளித்துள்ளது.


Advertisement

புதுச்சேரியில் +2 பொதுத்தேர்வு ரத்து: புதுச்சேரி மாநிலத்தில் 12ஆம் வகுப்பு பொதுத்தேர்வு ரத்து செய்யப்பட்டுள்ளது. தமிழக பாடத்திட்டத்தை பின்பற்றும் அரசு மற்றும் தனியார் பள்ளிகளிலும் +2 தேர்வு நடைபெறாது என முதல்வர் ரங்கசாமி அறிவித்துள்ளார்.

2 -18 வயதினருக்கு கொரோனா தடுப்பூசி பரிசோதனை: 2 முதல் 18 வயதுக்கு உட்பட்டவர்களுக்கு கோவாக்சின் தடுப்பூசி பரிசோதனை தொடங்கப்பட்டுள்ளது. இந்திய மருந்து கட்டுப்பாட்டு அமைப்பின் அனுமதியால் டெல்லி எய்ம்ஸ் மருத்துவமனை ஏற்பாடு செய்துள்ளது.

ஆன்லைன் வகுப்பு - வழிகாட்டு நெறிமுறைகள் தயார்: ஆன்லைன் வகுப்புகளுக்கான வழிகாட்டு நெறிமுறைகள் தயார் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி கூறியுள்ளார். +2 மதிப்பெண் அனைவரும் ஏற்றுக்கொள்ளும் வகையில் இருக்கும் என்றும் அவர் அளித்த பேட்டியில் தெரிவித்துள்ளார்.


Advertisement

நிலங்களை ஆக்கிரமிப்பில் இருந்து மீட்க வேண்டும்: தமிழகத்தில் கோயில் நிலங்களை ஆக்கிரமிப்பில் இருந்து மீட்க சென்னை உயர்நீதிமன்றம் உத்தரவிட்டுள்ளது. புராதன கோயில்களை பாதுகாக்க மத்திய சிலைக்கடத்தல் பிரிவு அமைக்க வேண்டும் என்றும் கருத்து தெரிவித்துள்ளது.

ரூ.250 கோடி மதிப்பிலான கோயில் நிலம் மீட்பு: சென்னை வடபழனி முருகன் கோயிலுக்கு சொந்தமான ஆக்கிரமிக்கப்பட்ட 250 கோடி ரூபாய் மதிப்பிலான நிலங்கள் மீட்கப்பட்டுள்ளது. மீட்கப்பட்ட இடத்தில் இந்து சமய அறநிலையத்துறை அமைச்சர் சேகர் பாபு ஆய்வு நடத்தினார்.

பெட்ரோல் விலை உயர்வு - அமைச்சர் விளக்கம்: இந்தியாவில் பல்வேறு மாநிலங்களில் பெட்ரோல் விலை லிட்டருக்கு 100 ரூபாயை கடந்து உயர்ந்துள்ளது. சர்வதேச சந்தையில் கச்சா எண்ணெய் விலை அதிகரிப்பதே காரணம் என மத்திய அமைச்சர் தர்மேந்திர பிரதான் விளக்கமளித்துள்ளார்.

பெட்ரோல் விலை உயர்வு - ராகுல் கண்டனம்: பெட்ரோல் விலை தொடர்ந்து உயர்த்தப்பட்டு வருவதற்கு காங்கிரஸ் முன்னாள் தலைவர் ராகுல் காந்தி கண்டனம் தெரிவித்துள்ளார். மோடி அரசில் வரி வசூல் என்ற தொற்று அலையலையாக வந்து கொண்டிருப்பதாகவும் அவர் விமர்சித்துள்ளார்.

செப்.19 முதல் ஐபிஎல் தொடர்கிறது?: ஐபிஎல் கிரிக்கெட் தொடரில் மீதமுள்ள போட்டிகள் செப்டம்பர் 19ஆம் தேதி தொடங்கி அக்டோபர் 15 வரை நடத்த இந்திய கிரிக்கெட் கட்டுப்பாட்டு வாரியம் முடிவு செய்துள்ளதாக தகவல் வெளியாகியுள்ளது.

பாகிஸ்தானில் ரயில் விபத்து - 50 பேர் பலி: பாகிஸ்தானில் ரயில்கள் நேருக்கு நேர் மோதிக் கொண்டதில் 50 பேர் உயிரிழந்தனர்.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close