[X] Close
JUST IN
  • BREAKING-NEWS 2 நாட்களில் ஹெல்மெட் அணியாமல் பிடிபட்டவர்கள் ஒரு லட்சம் பேர் - டிஜிபி அலுவலகம்
  • BREAKING-NEWS “கன்னடம்தான் முக்கியத்துவம் வாய்ந்த மொழி” - எடியூரப்பா
  • BREAKING-NEWS இந்தியக் கடற்படையின் கப்பல்தளத்தில் அப்ரண்டிஸ் பணி
  • BREAKING-NEWS “ஒரு மொழியை திணித்தால் ஏற்க மாட்டோம்”- கமல்ஹாசன்

"பாகிஸ்தானில் 40 ஆயிரம் பயங்கரவாதிகள்" - உண்மையை ஒப்புக்கொண்ட பாக்., பிரதமர் 

we-still-have-40-000-terrorists-admits-imran-khan

பாகிஸ்தானில் 40 பயங்கரவாத குழுக்களும், சுமார் 40 ஆயிரம் பயங்கரவாதிகளும் இருப்பதாக அந்நாட்டு பிரதமர் இம்ரான்கான் ஒப்புக்கொண்டுள்ளார்.

பயங்கரவாதிகளுக்கு துணை போனதால் பாகிஸ்தானுக்கு நிதியுதவியை அமெரிக்கா நிறுத்தியது. இதனால் கடும் நிதிநெருக்கடியில் பாகிஸ்தான் சிக்கியுள்ளதால், அமெரிக்க அதிபர் டிரம்பை இம்ரான்கான் நேரில் சென்று சந்தித்து பேச்சுவார்த்தை நடத்தினார். வாஷிங்டன் நகரில் உள்ள அமெரிக்க அமைதிக்கான அமைப்பின் கூட்டத்தில் பேசிய இம்ரான்கான், தற்போது வரை தங்கள் நாட்டில் 40 பயங்கரவாத குழுக்களும் 40 ஆயிரம் பயங்கரவாதிகளும் இருப்பதாக ஒப்புகொண்டார். 

மேலும், பாகிஸ்தானில் உள்ள பயங்கரவாதிகள் காஷ்மீர் மற்றும் ஆப்கானிஸ்தானில் தாக்குதல் நடத்துவதையும் ஒப்புக்கொண்ட இம்ரான் கான், இதற்கு முந்தைய அரசுகள், கடந்த 15 ஆண்டுகளாக உண்மை நிலவரத்தை அமெரிக்காவிடம் எடுத்துக் கூறவில்லை எனக் கூறினார். ஆனால், தமது தலைமையிலான அரசுதான் முதல்முறையாக பயங்கரவாதிகளிடமிருந்து ஆயுதங்களை பறிமுதல் செய்யும் திட்டத்தை செயல்படுத்தி வருவதாகவும் இம்ரான்கான் தெரிவித்துள்ளார். 

இந்தியாவில் தாக்குதல் நடத்தும் பயங்கரவாதிகளுக்கு பாகிஸ்தான் அடைக்கலம் கொடுப்பதாக மத்திய அரசு பலமுறை புகார் கூறி வருகிறது. இந்நிலையில் இம்ரான் கான் உண்மையை ஒப்புகொண்டுள்ளார்.

Advertisement:
Advertisement:
Advertisement:
[X] Close