[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

நியூசிலாந்து மசூதி தாக்குதல் வீடியோவை மீண்டும் பரப்பியவருக்கு சிறை  

christchurch-mosque-attacks-new-zealand-man-sentenced-to-21-months-in-prison-for-redistributing-massacre-video

நியூசிலாந்து நாட்டின் மசூதியில் நடைபெற்ற தற்கொலைப்படை தாக்குதல் வீடியோவை மீண்டும் பரப்பியதற்காக ஒருவருக்கு 21 மாதங்கள் சிறை தண்டனை விதிக்கப்பட்டுள்ளது. 

நியூசிலாந்திலுள்ள கிறிஸ்ட்சர்ச் நகரில் இருக்கும் இரண்டு மசூதியில் கடந்த மார்ச் மாதம் பயங்கரவாதி துப்பாக்கி சூடு தாக்குதல் நடத்தப்பட்டது. இந்தத் தாக்குதலில் 51 பேர் உயிரிழந்தனர். இத்தாக்குதலை நடத்தியவர் ஃபேஸ்புக்கில் இதனை லைவ் ஆக தனது பக்கத்தில் பதிவிட்டார். 

இந்த வீடியோவை தாக்குதல் நடைபெற்ற 29ஆவது நிமிடம் ஃபேஸ்புக் நிறுவனம் தனது தளத்திலிருந்து நீக்கியது. இந்த வீடியோவை அப்போது 200 பேர் மட்டுமே பார்த்திருந்தனர். இதனைத் தொடர்ந்து அடுத்த 24 மணி நேரத்தில் தாக்குதல் வீடியோவை மீண்டும் ஃபேஸ்புக்கில் பதிவிட முயற்சித்துள்ளனர். எனினும் ஃபேஸ்புக் நிறுவனம் இதை அனுமதிக்கவில்லை.

தாக்குதல் வீடியோவை நியூசிலாந்து அரசு ஆட்சேபனைக்குரிய வீடியோ என்று அறிவித்திருந்தது. ஆனால்  பிலிப் நெவில் என்பவர் இந்தப் பயங்கரவாத தாக்குதல் வீடியோவை 30 பேருக்கு  அனுப்பியுள்ளார்.  நியூசிலாந்து நாட்டின் சட்டத்தின்படி ஆட்சேபனைக்குரிய வீடியோவை ஒருவர் மற்றொரு நபருக்கு அனுப்பினால் 14 ஆண்டு வரை சிறை தண்டனை விதிக்கப்படலாம். 

இதனையடுத்து மசூதி தாக்குதல் வீடியோவை பரப்பியதாக நெவில் மீது வழக்கு தொடரப்பட்டது. இந்த வழக்கை விசாரித்த நீதிபதி, தாக்குதல் வீடியோவை நெவில் பரப்பியதற்கான ஆதாரங்கள் உள்ளதால் அவருக்கு 21 மாதம் சிறை தண்டனை விதித்து தீர்ப்பளித்தார். இதனைத் தொடர்ந்து நெவில் சிறையில் அடைக்கப்பட்டார். 

Advertisement:
இது தொடர்பான செய்திகள் :
Advertisement:
Advertisement:
[X] Close