[X] Close
JUST IN
  • BREAKING-NEWS மும்பை பங்குச்சந்தை சென்செக்ஸ், தேசிய பங்குச்சந்தை குறியீட்டெண் நிஃப்டி ஏற்றம்
  • BREAKING-NEWS தூத்துக்குடியில் கனிமொழி பெற்ற வெற்றிக்கு எதிரான வழக்கை வாபஸ் பெறுவதாக உயர்நீதிமன்றத்தில் தமிழிசை தரப்பில் மனு தாக்கல்
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது

புதிய ஆதாரம் கிடைத்தால் மாயமான விமானத்தை மீண்டும் தேடுவோம்: மலேசிய பிரதமர்

malaysian-pm-says-search-for-mh370-may-be-resumed-if-new-evidence-found

புதிய ஆதாரங்கள் கிடைத்தால் மாயமான மலேசிய விமானத்தை தேடும் பணி மீண்டும் முடுக்கிவிடப்படும் என அந்நாட்டு பிரதமர் மகாதீர் தெரிவித்துள்ளார்.

மலேசியாவில் உள்ள கோலாலம்பூரில் இருந்து சீன தலைநகர் பெய்ஜிங்கிற்கு கடந்த 2014 ஆம் வருடம், 239 பேருடன் மலேசியன் ஏர்லைன்ஸ் விமானம் புறப்பட்டு சென்றது. நடுவழியில் சென்று கொண்டிருந்த போயிங் 777 ரக இந்த விமானம் (MH370), திடீரென மாயமானது. அந்த விமானத்தை தேடும் பணியில் விமானங்கள், கப்பல்கள் மற்றும் அணுசக்தி நீர்மூழ்கி கப்பல் ஈடுபடுத்தப்பட்டன. ஆஸ்திரேலியக் கடற்படை கப்பல் ‘ஓஷன் ஷீல்ட்’ மற்றும் எச்.எம்.எஸ் ‘எக்கோ’ என்ற இரண்டு கப்பல்கள் தேடுதல் பணியில் ஈடுபடுத்தப்பட்டன. பல தனியார் நிறுவனங்களும் தேடுதல் வேட்டையில் ஈடுபட்டன.

தொடர்ந்து நடைபெற்ற தேடுதலில் எந்த பலனும் கிடைக்காததால் தேடும் பணியை நிறுத்திக் கொள்வதாக மலேசியா, சீனா மற்றும் ஆஸ்திரேலிய அரசுகள் அறிவித்தன. நான்கு ஆண்டுகள் ஆகியும் அந்த விமானம் எங்கு விழுந்தது என்பது குறித்து கண்டுபிடிக்க முடியவில்லை. 

இந்நிலையில் விமானம் குறித்து புதிதாக ஆதாரங்கள் கிடைத்தால், தேடுதல் பணி மீண்டும் முடுக்கிவிடப்படும் என மலேசிய பிரதமர் ம‌காதீர் தெரிவித்துள்ளார். மாயமான மலேசிய விமானத்தின் இறக்கை உள்ளிட்ட மூன்று பாகங்கள் மட்டுமே இதுவரை கிடைத்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close