[X] Close
JUST IN
  • BREAKING-NEWS ஊரக உள்ளாட்சித் தேர்தலில் போட்டியிடும் வேட்பாளர்கள் பட்டியலை வெளியிட்டது அதிமுக
  • BREAKING-NEWS ராஜீவ்காந்தி கொலை வழக்கில் சிறையில் உள்ள நளினி உயர்நீதிமன்றத்தில் ஆட்கொணர்வு மனு தாக்கல்
  • BREAKING-NEWS சென்னை ஐஐடியில் மாணவர்களின் தற்கொலைகள் குறித்த வழக்கை சிபிஐ விசாரணைக்கு மாற்றக்கோரிய மனுவை உயர்நீதிமன்றம் தள்ளுபடி செய்தது
  • BREAKING-NEWS ராகுல்காந்தி மீது நடவடிக்கை எடுக்கக்கோரி தேர்தல் ஆணையத்தில் பாஜக சார்பில் ஸ்மிருதி இரானி புகார் மனு
  • BREAKING-NEWS உள்ளாட்சித் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கியது மாநில தேர்தல் ஆணையம்
  • BREAKING-NEWS உள்ளாட்சித் தெர்தலில் மதிமுகவிற்கு பம்பரம் சின்னம் ஒதுக்கியது மாநில தேர்தல் ஆணையம்
  • BREAKING-NEWS தமிழகத்தை சேர்ந்த ஐஏஎஸ் அதிகாரி சோமநாதன் மத்திய நிதி அமைச்சக செயலாளராக நியமனம்

“5-லிருந்து 7 நிமிடங்கள் போதும்” - இரவில் நோட்டமிட்டு பகலில் கொள்ளையடித்தவர்கள் கைது 

2-accused-arrested-for-theft-in-chennai

சென்னையின் பல்வேறு பகுதிகளில் கொள்ளையில் ஈடுபட்டு வந்த இருவரை போலீசார் கைது செய்து சிறையில் அடைத்தனர். 

சென்னை வேளச்சேரி, துரைப்பாக்கம், தரமணி, சைதாப்பேட்டை, குமரன் நகர் உள்ளிட்ட பகுதிகளில் தொடர் செயின் பறிப்பு, வீட்டின் பூட்டை உடைத்து கொள்ளையடிப்பது உள்ளிட்ட பல குற்றச்சம்பவங்கள் நடைபெற்று வந்த வண்ணம் இருந்தது. இதுகுறித்து போலீசார் வழக்குப்பதிவு செய்து விசாரணை செய்து வந்தனர். 

இந்நிலையில், ஒன்றரை ஆண்டுகளாக சிசிடிவி காட்சிகளை வைத்து, வாகன எண்ணை கண்டறிந்து பல்வேறு பகுதிகளில் தொடர் கொள்ளை, செயின் பறிப்பில் ஈடுபட்டு வந்த பூபதி ராஜா(25), பிரசாந்த்(25) ஆகிய இருவரை வேளச்சேரி தனிப்படை போலீசார் கைது செய்தனர். கைது செய்யப்பட்ட இருவரிடம் இருந்தும் 80 சவரன் தங்க நகைகள், லேப்டாப், இருசக்கர வாகனம், வீட்டின் பூட்டை உடைக்க பயன்படுத்தும் பொருட்கள் ஆகியவை பறிமுதல் செய்யப்பட்டன.

பூபதி ராஜா மீது ஏற்கெனவே 10-க்கும் மேற்பட்ட கொள்ளை வழக்குகள் இருந்துள்ளது. அதற்காக சிறை தண்டனையும் அனுபவித்து விட்டு 2017-ம் ஆண்டு சிறையில் இருந்து வெளிவந்துள்ளார். வெளியில் வந்த உடன் பிரசாந்த் என்பவரை சேர்த்துக் கொண்டு விடுதிகளில் தங்கி வேளச்சேரி, சைதாப்பேட்டை, தரமணி, துரைப்பாக்கம் உள்ளிட்ட பகுதியில் இரவு நேரங்களில் நோட்டமிட்டு, பகல் நேரத்தில் கொள்ளையடித்து வந்துள்ளனர். 

கொள்ளையடித்த நகைகளை சிந்தாரிப்பேட்டையில் உள்ள ஒரு நகைக்கடையில் விற்று பணம் வாங்கி உல்லாச வாழ்க்கை வாழ்ந்து வந்துள்ளனர் என்பது விசாரணையில் தெரியவந்தது. வீட்டின் பூட்டை உடைத்து கொள்ளையடிக்க 5 லிருந்து, 7 நிமிடங்கள் போதும். அதற்குள் வேலையை முடித்து விடுவோம் என கொள்ளையர்கள் தெரிவித்துள்ளனர். கொள்ளையர்கள் மீது 15 வழக்குகள் பதிவுசெய்த வேளச்சேரி போலீசார் சைதாப்பேட்டை நீதிமன்றத்தில் ஆஜர்படுத்தி புழல் சிறையில் அடைத்தனர்.


 

Advertisement:
இது தொடர்பான செய்திகள் :
Advertisement:
Advertisement:
[X] Close