[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

சென்னையில் ரவுடியை அடித்துக்கொலை செய்து முட்புதரில் வீசிய தம்பதி!

couple-held-by-police-for-murder-in-chennai

ரவுடியை அடித்துக் கொலை செய்து முட்புதரில் வீசி விட்டு நாடகமாடிய தம்பதியை காவல்துறையினர் கைது செய்துள்ளனர். 

சென்னை கொரட்டூர் அடுத்த கலைவாணர் நகரைச் சேர்ந்தவர் சுரேஷ் என்கிற கிரைம் சுரேஷ். இவர் மீது கொலை, கொள்ளை, கஞ்சா விற்பனை போன்ற பல்வேறு வழக்குகள் உள்ளன. இந்நிலையில் இவரை கடந்த  14 ஆம் தேதி முதல் காணவில்லை என்று அவரது தாய் கலா, கொரட்டூர் காவல் நிலையத்தில் புகார் அளித்தார். 

இந்த புகாரையடுத்து கொரட்டூர் காவல் துறையினர் சுரேசை பல இடங்களில் தேடி வந்தனர். சுரேஷ் காணாமல் போன விவகாரத்தில் அதே பகுதியைச் சேர்ந்த ஜெயகொடி- கார்த்திகா தம்பதி மீது சந்தேகம் எழுந்தது. 

இதையடுத்து அவர்களிடம் போலீசார் தீவிர விசாரணை மேற்கொண்டனர். விசாரணையில், சுரேஷ் அத்துமீறி தங்கள் வீட்டிற்குள் நுழைந்ததாகவும் இதனால் அவரை அடித்து உதைத்து கட்டி போட்டதாகவும் தெரிவித்தனர். பின்னர் அவரை ஆட்டோவில் மருத்துவமனைக்கு கொண்டு செல்லும் போது சுரேஷ் தப்பி சென்றுவிட்டதாகவும் கூறினர். ஆனால் தம்பதி மீது போலீசாருக்கு சந்தேகம் நீடித்தது.

இதனையடுத்து தம்பதியை குறுக்கு விசாரணை செய்தனர். இதில் சுரேஷை தாங்கள் தான் கொலை செய்தோம் என தம்பதி ஒப்புக்கொண்டனர். சுரேஷின் உடலை செங்குன்றம் அருகே வடபெரும்பாக்கத்தில் உள்ள முட்புதரில் வீசியதாகவும் அவர்கள் போலீசாரிடம் தெரிவித்தனர்.

இது குறித்து வழக்குப்பதிவு செய்த கொரட்டூர் காவல்துறையினர் சுரேசின் உடலை கைப்பற்றி பிரேத பரிசோதனைக்கு அனுப்பி வைத்தனர். தகாத உறவு காரணமாக இந்தக்கொலை நடந்திருக்கலாம் என போலீசார் சந்தேகிக்கின்றனர். தொடர்ந்து இந்தக்கொலை தொடர்பாக போலீசார் விசாரணை மேற்கொண்டு வருகின்றனர். 

Advertisement:
இது தொடர்பான செய்திகள் :
Advertisement:
Advertisement:
[X] Close