[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

அவிநாசி அருகே கல்லூரி மாணவர் அடித்துக் கொலை

college-student-murdered-near-avinasi

அவிநாசி அருகே காசிகவுண்டன்புதூரில் கல்லூரி மாணவர் அடித்துக் கொலை செய்யப்பட்டுள்ளார். கொலை செய்த உறவினரான சக மாணவன் தப்பியோடிய நிலையில் போலீசார் அவரை வலைவீசி தேடி வருகின்றனர்.

சிவகங்கை மாவட்டம் அரசகுளம் பகுதியை சேர்ந்த ஆரோக்கியராஜ் மகன் அகஸ்டியன் (20). அவிநாசியை அடுத்த நீலிபாளையத்தில் உள்ள தனியார் கல்லூரி ஒன்றில் இரண்டாம் ஆண்டு கணிதம் படித்து வருகிறார். இவரது உறவினரான ராமநாதபுரம் மாவட்டம் தொண்டி பகுதியை சேர்ந்த ஜேசுராசு (50) மற்றும் அவரது மகன் பிரான்சிஸ் வல்லரசு (20) ஆகிய மூவரும் அவிநாசியை அடுத்துள்ள காசிகவுண்டன்புதூரில் தங்கியுள்ளனர். பிரான்சிஸ் வல்லரசு பி.காம் (சிஏ) இரண்டாம் ஆண்டும் படித்து வருகிறார். ஜேசுராசு சமையல் வேலைக்கு சென்று வருகிறார்.

இந்நிலையில் நேற்று இரவு ஜேசுராசு வேலையிலிருந்து வீட்டிற்கு திரும்பி வந்தபோது வீட்டிற்குள் அகஸ்டியன் தலையில் பலத்த காயங்களுடன் இரத்த வெள்ளத்தில் இறந்து கிடப்பதைக் கண்டு அதிர்ச்சியடைந்தார். இதுகுறித்து தகவலறிந்த அவிநாசி போலீசார் சம்பவ இடத்திற்கு விரைந்து வந்து விசாரணை மேற்கொண்டர். முதற்கட்ட விசாரணையில், அகஸ்டியனை பிரான்சிஸ் வல்லரசு கொலை செய்து விட்டு தப்பியோடியது தெரியவந்தது.

தப்பியோடிய பிரான்சிஸ் வல்லரசை பிடிக்க அவரது சொந்த ஊரான தொண்டிக்கு போலீசார் விரைந்துள்ளனர். அத்துடன் கொலைக்கான காரணம் குறித்து போலீசார் தீவிர விசாரணை மேற்கொண்டு வருகின்றனர்.  மேலும், கொலையாளியின் செல்போன் சிக்னல் மூலமாகவும் தேடுதல் பணியை போலீசார் முடுக்கிவிட்டுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close