[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

சென்னை மக்களின் தாகம் தீர்க்கும் திருவள்ளூர் மாவட்ட விவசாயிகள் !

tiruvallur-farmers-help-water-for-chennai-people

சென்னை மக்களின் குடிநீர் தேவைக்காக தங்களின் விளை நிலங்களில் உள்ள ஆழ்துளை கிணறுகளில் இருந்து தண்ணீர் வழங்கி வருகின்றனர் திருவள்ளூர் மாவட்ட விவசாயிகள்.

திருவள்ளூர் மாவட்டத்தில் உள்ள‌ புழல், சோழவரம், செம்பரம்பாக்கம், பூண்டி ஆகிய 4 ஏரிகளே சென்னை மக்களின் குடிநீர் ஆதாரம். இவற்றில் பூண்டி தவிர மற்ற 3 ஏரிகளும் முற்றிலும் வறண்டு விட்டன. பூண்டி ஏரியும் அடுத்த சில நாள்களில் வறண்டுவிடும் நிலையில் உள்ளது. அப்படியொரு நிலைமை ஏற்பட்டால் அதனை சமாளிக்க தேவையான மாற்று ஏற்பாடுகளில் ஈடுபட்டுள்ளது சென்னை குடிநீர் வாரியம்.

அதாவது, திருவள்ளூர் மாவட்டத்தில் உள்ள விவசாயிகளை அணுகி அவர்களின் வயலில் உள்ள ஆழ்துளை கிணறுகளில் இருந்து தண்ணீரைப் பெற்று சென்னை மக்களுக்கு தருவதே அந்த மாற்று ஏற்பாடு. அதன்படி, மாகரல், கீழானூர், அத்திங்காவனூர், மோவூர், சிறுவானூர், காந்திநகர் உள்ளிட்ட கிராமங்களில் இருந்து தண்ணீர் பெறப்பட்டு ‌ராட்சத குழாய்கள் மூலம் சென்னைக்கு அனுப்பப்பட்டு வருகிறது. இதற்காக விவசாயிகளுக்கு குறிப்பிட்ட தொகை தரப்பட்டாலும், பணத்தை விட சென்னை மக்களின் தாகம் தீர்ப்பதில்தான் தங்களுக்கு மகிழ்ச்சி என்கின்றனர் திருவள்ளூர் மாவட்ட விவசாயிகள்.

சென்னையின் ஒருநாள் குடிநீர் தேவை 850 மில்லியன் லிட்டர். இவற்றில் பெரும்பகுதி திருவள்ளூர் மாவட்டத்தில் இருந்தே கிடைக்கிறது. அங்குள்ள ஏரிகள் வறண்டாலும், திருவள்ளூர் மாவட்ட விவசாயிகளின் உள்ளத்தில் ஈரம் உள்ளது. சென்னையில் தண்ணீரில்லாமல் தவிக்கும் மக்கள் வாய்க்கு தண்ணீர் கொடுப்பவர்களாக தற்போது திருவள்ளூர் விவசாயிகள் உள்ளனர்.

Advertisement:
Advertisement:
Advertisement:
[X] Close