[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

திருத்தணியில் கடும் வறட்சி... முன்னாள் மாணவர்கள் சார்பில் குடிநீர் விநியோகம்

old-students-distribute-water-in-tirutani

திருத்தணி நகரில் நிலவும் கடும் குடிநீர் வறட்சியால் பொதுமக்கள் கடுமையாக பாதிக்கப்பட்டுள்ள நிலையில் அரசுப் பள்ளி முன்னாள் மாணவர்கள் சார்பில் டிராக்டர்கள் மூலம் குடிநீர் விநியோகம் செய்யப்படுவது வரவேற்பை பெற்றுள்ளது.

திருவள்ளூர் மாவட்டம் திருத்தணி டாக்டர் ராதாகிருஷ்ணன் அரசு ஆண்கள் மேல்நிலைப் பள்ளியில் கடந்த 1992 ஆம் கல்வி ஆண்டில் 10-ஆம் வகுப்பு படித்த மாணவர்களில் பலர்  உயர்க் கல்வி கற்று  உள்நாட்டில் மட்டுமின்றி அமெரிக்கா, ஆஸ்திரேலியா, பிரான்ஸ் போன்ற வெளிநாடுகளிலும் குடும்பங்களுடன் வசித்து வருகின்றனர். பள்ளி நண்பர்கள் ‘மலரும் நினைவுகள்’ நிகழ்ச்சி மூலம் சுமார் கால் நூற்றாண்டுக்கு பிறகு சமீபத்தில் படித்த பள்ளியில் சந்தித்துக் கொண்டு கொண்டாடி மகிழ்ந்தனர்.

படித்த பள்ளிக்கு கல்வி உபகரணங்கள் வழங்கியும், ஏழை எளிய குடும்பங்களை சேர்ந்த மாணவர்கள் கல்விக்கு உதவியாக இருக்க வேண்டும் என்றும் முடிவு செய்தனர். இந்நிலையில் கோடையில் கடும் வறட்சி ஏற்பட்டு திருத்தணியில் குடிநீர் தட்டுப்பாடு கடுமையாக நிலவி வருகின்றது. குடம் ரூ.10க்கு வாங்கி பயன்படுத்த வேண்டிய நிலையில் மக்கள் பாதிக்கப்பட்டுள்ளனர்.

பொதுமக்களுக்கு குடிநீர் வழங்கும் நோக்கில் வாட்ஸ் அப் குழு மற்றும் ஃபேஸ்புக் வாயிலாக முன்னாள் மாணவர்கள் ஒன்றிணைந்து, பணம் வசூல் செய்து தினமும் 2 டிராக்டர்கள் மூலம் குடிநீர் விநியோகம் செய்து வருகின்றனர். நகராட்சி முழுவதும் 21 வார்டுகளிலும் குடிநீர் வழங்கும் பணி நடைபெற்று வருகின்றது. முன்னாள் மாணவர்களின் குடிநீர் வழங்கும் சேவை பொதுமக்கள் மத்தியில் வரவேற்பை பெற்றுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close