[X] Close
JUST IN
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.
  • BREAKING-NEWS திருச்சி லலிதா ஜூவல்லரி நகைக் கொள்ளை வழக்கில் மேலும் 6 கிலோ நகை சிக்கியது
  • BREAKING-NEWS அயோத்தியில் டிசம்பர் 10-ஆம் தேதி வரை 144 தடை உத்தரவு

“அரசு முடிவுகளை ஆசிரியர்கள் எதிர்ப்பது பேஷனாகிவிட்டது” - நீதிபதிகள் 

justice-said-teachers-are-opposed-to-the-government-decision

அங்கன்வாடி மையத்தில் தொடங்கப்பட்டுள்ள எல்.கே.ஜி, யு.கே.ஜி வகுப்புகளுக்கு இடைநிலை ஆசிரியர்களை நியமிக்க தடை கோரிய வழக்குகளை உயர்நீதிமன்ற மதுரைக்கிளை தள்ளுபடி செய்து உத்தரவிட்டது.

இது தொடர்பான வழக்குகள் நீதிபதிகள் கிருபாகரன், எஸ்.எஸ்.சுந்தர் ஆகியோர் அடங்கிய அமர்வில் வந்த போது, அனைத்து குழந்தைகளுக்கும் கல்வி வழங்குவது மாநில அரசுகளின் கடமையாகும் என நீதிபதிகள் தெரிவித்தனர். இந்த மையங்களால் கல்வி அறிவு சதவீதம் அதிகரித்து இருப்பதாகவும், குழந்தைகள் மத்தியில் சத்து குறைபாடு குறைந்துள்ளதாகவும் கருத்து தெரிவித்த நீதிபதிகள், அங்கன்வாடி மையங்களில் எல்கேஜி, யுகேஜி வகுப்புகளை தொடங்குவது தொடர்பாக அரசு ஏற்கெனவே கொள்கை முடிவெடுத்துள்ளது என்று குறிப்பிட்டுள்ளனர். 

அரசிடம் அதிகளவு சம்பளம் பெறும் ஆசிரியர்கள் அரசு எடுக்கும் முடிவுகளை எதிர்த்து நீதிமன்றத்துக்கு வருவது தற்போது பேஷனாகிவிட்டதாக விமர்சித்த நீதிபதிகள், குழந்தைகளின் நலனுக்காக அரசு எடுக்கும் ஒவ்வொரு முடிவுகளையும் கேள்வி கேட்டுக் கொண்டிருக்கக்கூடாது எனக் கூறினர். 

எல்கேஜி, யுகேஜி வகுப்புகளுக்கு நியமிக்கப்படும் இடைநிலை ஆசிரியர்களுக்கு சம்பளம் குறைக்கப்படாது என அரசு சார்பில் தெரிவிக்கப்பட்டுள்ளதால் ஆசிரியர்கள் அச்சப்பட தேவையில்லை என்றும் தமிழக அரசின் முடிவை பாராட்டியே ஆக வேண்டும் எனக் கூறி, இந்த அரசாணைக்கு எதிரான மனுக்களை நீதிபதிகள் தள்ளுபடி செய்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close