[X] Close
JUST IN
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை
  • BREAKING-NEWS தமிழகத்திற்கு தரவேண்டிய நிலுவைத்தொகை ரூ.13,000 கோடியை மத்திய அரசு வழங்க வேண்டும்- மாநிலங்களவையில் அதிமுகவின் மைத்ரேயன் பேச்சு

''கருத்து கணிப்பு அல்ல, கருத்து திணிப்பு'' - முதல்வர் பழனிசாமி

aiadmk-alliance-will-win-in-tamil-nadu-says-cm-palanisamy

தமிழகத்தில் அதிமுக குறைந்த இடங்களையே பிடிக்கும் என்பது கருத்து கணிப்பு அல்ல, கருத்து திணிப்பு என முதல்வர் பழனிசாமி தெரிவித்துள்ளார்

மத்திய ஆட்சியை தீர்மானிக்கு நாடாளுமன்றத் தேர்தலுக்கான வாக்குப்பதிவுகள் 7 கட்டமாக நிறைவு பெற்றுள்ளது. இதையடுத்து 23ஆம் தேதி வெளியாகவுள்ள தேர்தல் முடிவுகளை எதிர்பார்த்து நாடே காத்திருக்கிறது. இந்த நிலையில் தேர்தலுக்குப் பிந்தைய கருத்துக்கணிப்புகளை தேசிய ஊடகங்கள் வெளியிட்டுள்ளன. இதில் பாஜகவே பெரும்பான்மை இடங்களை பிடிக்கும் எனப் பெரும்பாலான ஊடகங்கள் தெரிவித்துள்ளன. 

இதேபோன்று தமிழகத்தில் திமுகவே அதிக இடங்களைப் பிடிக்கும் எனவும், அதிமுக கூட்டணி குறைவான இடங்களை மட்டுமே பிடிக்க வாய்ப்பிருப்பதாகவும் பல ஊடகங்கள் தெரிவித்திருந்தன.

இந்நிலையில் இது குறித்து செய்தியாளர்களின் கேள்விக்கு பதிலளித்த தமிழக முதலமைச்சர் பழனிசாமி, அதிமுக குறைந்த இடங்களையே பிடிக்கும் என்பது கருத்து கணிப்பு அல்ல, கருத்து திணிப்பு என தெரிவித்தார். மேலும் பேசிய அவர், 2016ம் ஆண்டு கருத்துக் கணிப்பை பொய்யாக்கினோம். அதேபோல் தமிழகத்தை பொறுத்தவரை தற்போதைய கருத்து கணிப்பை பொய்யாக்குவோம். புதுவை உள்பட 39 நாடாளுமன்ற தொகுதி மற்றும் இடைத்தேர்தல்களில் அதிமுக கூட்டணியே வெற்றிபெறும். 

தமிழகத்தில் நிலவும் குடிநீர் பிரச்னையை சமாளிக்க அதிகாரிகளுக்கு அறிவுறுத்தப்பட்டுள்ளது. வறட்சி குறித்த ஆலோசனையும் நடத்தப்பட்டுள்ளது. விவசாயிகளை பாதிக்கும் எந்த ஒரு திட்டத்தையும் தமிழக அரசு செயல்படுத்தாது. 8 வழி சாலை திட்டத்திற்கு 7 சதவீதத்தினர் மட்டுமே எதிர்ப்பு தெரிவிக்கின்றனர். மக்கள் நலன், நாட்டின் வளர்ச்சியை கருத்தில் கொண்டு அனைவரும் தாமாக முன்வந்து ஒத்துழைப்பு வழங்க வேண்டும். பேரறிவாளன் உள்ளிட்ட 7 பேரை விடுதலை செய்யவேண்டும் என்று அமைச்சரவை கூட்டி தீர்மானம் நிறைவேற்றி ஆளுநருக்கு அனுப்பியுள்ளோம். விடுதலை குறித்து ஆளுநர் தான் முடிவெடுக்க வேண்டும் என்றும் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close