[X] Close
JUST IN
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி

போலி அறிக்கை சமர்பித்த விவகாரம் : ஐஜி பணியிடமாற்றம்

fake-statement-filed-in-chennai-high-court-examine-ig-transfer

ஐஐடி பேராசிரியர் பெயரில் போலி அறிக்கை தாக்கல் செய்யப்பட்ட விவகாரம் சர்ச்சைக்குள்ளாகி இருக்கும் நிலையில், காவல்துறை சீருடை பணியாளர் தேர்வாணைய ஐஜி செந்தாமரைக்கண்ணன் பணியிட மாற்றம் செய்யப்பட்டுள்ளார்.

அருணாச்சலம் என்ற காவலர் சென்னை உயர்நீதிமன்றத்தில் மனு ஒன்றை தாக்கல் செய்தார். அதில் காவல்துறை விரல் ரேகை பிரிவு உதவி ஆய்வாளர் பணிக்கு நடத்தப்பட்ட தேர்வில், ஒரு கேள்விக்கு தான் சரியான பதில் எழுதியதாகவும், அதற்கு உரிய மதிப்பெண் வழங்கப்படவில்லை என்றும் குற்றம்சாட்டியிருந்தார். அதனை விசாரித்த நீதிபதிகள், சரியான விடை எது என்பதை ஐஐடியில் பணியாற்றும் கணித நிபுணரிடம் அறிக்கை பெற்றுத்தரும்படி உத்தரவிட்டனர். அதன்படி அறிக்கையும் தாக்கல் செய்யப்பட்டது. 

இந்நிலையில், பேராசிரியர் டி.மூர்த்தி என்பவரின் பெயரில் தாக்கல் செய்யப்பட்ட அறிக்கை போலியானது என்றும், டி.மூர்த்தி என்ற பெயரில் பேராசிரியர் யாரும் பணியாற்றவில்லை என்றும் தெரியவந்துள்ளது. இதுதொடர்பான வழக்கு நீதிமன்றத்தில் நடைபெற்று வரும் நிலையில், சீருடைப் பணியாளர் தேர்வாணைய ஐ.ஜி செந்தாமரைக்கண்ணன் பணியிட மாற்றம் செய்யப்பட்டுள்ளார். அவருக்கு பதில் ஐஜி வித்யா ஜெயந்த் குல்கர்னி நியமனம் செய்யப்பட்டுள்ளதாக தமிழக அரசு அறிவித்துள்ளது. தேர்தல் ஆணைய அனுமதியுடன், செந்தாமரைக் கண்ணனை பணியிடமாற்றம் செய்து தமிழக அரசு உத்தரவிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close