[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

“அதிகார துஷ்பிரயோகம் செய்தால் கடும் நடவடிக்கை” - தேர்தல் ஆணையம்

strict-action-will-be-taken-for-illegal-officials-election-commission-warning

தேர்தல் பணியிலுள்ள அதிகாரிகள் தங்கள் அதிகாரத்தை துஷ்பிரயோகம் செய்தால் கடும் நடவடிக்கை எடுக்கப்படும் என இந்திய தேர்தல் ஆணையர்கள் எச்சரிக்கை விடுத்துள்ளனர்.

மக்களவை மற்றும் 18 தொகுதிகளுக்கான இடைத்தேர்தல் நெருங்கிவரும் நிலையில், சட்டம்-ஒழுங்கு நிலைமை உள்ளிட்டவை தொடர்பாக தேர்தல் ஆணையர்கள் அசோக் லவாசா, சுஷில் சந்திரா ஆகியோர் ஆலோசனை மேற்கொண்டனர். சென்னை கிண்டியில் நடைபெற்ற ஆலோசனையில் தலைமைச் செயலாளர் கிரிஜா வைத்தியநாதன், உள்துறை செயலாளர் நிரஞ்சன் மார்டி, டி.ஜி.பி. டி.கே.ராஜேந்திரன், வருமானவரித்துறை அதிகாரிகள், சுங்கத்துறை அதிகாரிகள் உள்ளிட்டோர் கலந்து கொண்டனர். 

பின்னர் செய்தியாளர்களுக்கு பேட்டியளித்த தேர்தல் ஆணையர் அசோக் லவாசா, பணப் பட்டுவாடாவில் ஈடுபடுவோர் மீது கிரிமினல் வழக்கு பதியப்பட வேண்டும் எனப் பெரும்பாலான அரசியல் கட்சிகள் கோரிக்கை விடுத்ததாக கூறினார். இதுதொடர்பாக பரிசீலிக்கப்படும் என்றும் அவர் தெரிவித்தார். உரிய ஆவணங்களின்றி கொண்டு செல்லப்பட்டதாக இதுவரை ரூ.127 கோடி கைப்பற்றப்பட்டு உள்ளதாக கூறிய அவர், ஆவணங்கள் சமர்ப்பிக்கப்பட்டால் அந்தப் பணம் உரியவர்களிடம் திருப்பி அளிக்கப்படும் எனக் கூறினார். 

ரஃபேல் புத்தகம் வெளியீடு பிரச்சனை தொடர்பாக தமிழக தலைமைத் தேர்தல் அதிகாரியிடம் விரிவான அறிக்கை கேட்கப்பட்டு உள்ளதாக கூறிய அவர், தரப்படும் அறிக்கை மூலம் நடவடிக்கை மேற்கொள்ளப்படும் என்றும் தெரிவித்தார். மேலும் தேர்தல் பணியிலுள்ள அதிகாரிகள் தங்கள் அதிகாரத்தை துஷ்பிரயோகம் செய்தால் கடும் நடவடிக்கை எடுக்கப்படும் எனவும் எச்சரித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close