[X] Close
JUST IN
  • BREAKING-NEWS டெல்லியில் மைக்ரோசாஃப்ட் இணை-நிறுவனர் பில்கேட்ஸ், பிரதமர் நரேந்திர மோடியுடன் சந்திப்பு
  • BREAKING-NEWS போராட்டத்தில் ஈடுபட்ட அரசு மருத்துவர்கள் மீதான பழிவாங்கும் நடவடிக்கைகளை நிறுத்த வேண்டும் - உயர்நீதிமன்றம்
  • BREAKING-NEWS உள்ளாட்சித் தேர்தலில் சென்னையை தனித்தொகுதியாக அறிவிக்க வேண்டும் – சீமான்
  • BREAKING-NEWS அதிசயம், அதிர்ஷ்டத்தை நம்புகிறவர் ரஜினி - அமைச்சர் ஜெயக்குமார்
  • BREAKING-NEWS ராஜஸ்தானில் பேருந்து - லாரி மோதி விபத்து: 14 பேர் உயிரிழப்பு
  • BREAKING-NEWS இலங்கையின் அதிபராக பதவியேற்றார் கோத்தபய ராஜபக்ச
  • BREAKING-NEWS டிசம்பர் 2-ல் உள்ளாட்சித் தேர்தல் அறிவிப்பாணை: மாநில தேர்தல் ஆணையம் தகவல்

தமிழகத்தில் மக்களவைத் தேர்தலை தள்ளி வைக்கக் கோரிய மனுக்கள் தள்ளுபடி

madras-high-court-dismissed-3-petitions-on-postponed-dates-of-lok-sabha-election-in-tamilnadu

மதுரை சித்திரை திருவிழா உள்ளிட்ட காரணங்களை சுட்டிக்காட்டி தேர்தலை தள்ளிவைக்கக் கோரிய 3 மனுக்களையும் சென்னை உயர்நீதிமன்றம் தள்ளுபடி செய்துள்ளது. 

ஏப்ரல் 18ஆம் தேதி சித்திரை விழாவின் தேரோட்டம் நடைபெறும் என்பதால், மதுரையில் நாடாளுமன்றத் தேர்தலை தள்ளி வைக்கக் கோரி, வ‌ழக்கறிஞர் பார்த்தசாரதி உயர்நீதிமன்ற மதுரைக் கிளையில் வழக்கு தொடர்ந்திருந்தார். அதேபோல், கிறிஸ்தவர்களின் புனித வாரத்தில் தேர்தல் வருவதால் தள்ளி வைக்க கிறிஸ்தவ அமைப்பும் கோரியிருந்தது. மேலும், கிறிஸ்தவ பள்ளிகளில் உள்ள வாக்குச் சாவடிகளை மாற்றக் கோரி கிறிஸ்தவ நல்லெண்ண இயக்கம் சார்பில் மனுத்தாக்கல் செய்யப்பட்டிருந்தது. 

இந்த வழக்கில், வாக்குப்பதிவு நேரத்தை இரவு 8 மணி வரை நீட்டிப்பதாக, தேர்தல் ஆணையம் சார்பில் நீதிபதிகள் கிருபாகரன், சுந்தர் அமர்வின் முன் தெரிவிக்கப்பட்டது. பின்னர், இந்த வழக்கு சென்னை உயர்நீதிமன்றத்துக்கு மாற்றப்பட்டது. 

         

சென்னையில் நேற்று நடைபெற்ற விசாரணையின்போது, தமிழக அரசின் முடிவைக் கேட்ட பிறகே, தேர்தல் தேதி அறிவிக்கப்பட்டதாக தேர்தல் ஆணையம் தெரிவித்தது. வாக்குப்பதிவுக்கு கூடுதல் நேரம் மட்டுமே வழங்க முடியும் என்றும் திட்டவட்டமாக தெரிவித்தது. அதேபோல், கிறிஸ்தவர்களுக்கு தேவையான அனைத்து ஏற்பாடுகளும் செய்யப்பட்டுள்ளதாக தேர்தல் ஆணையம் விளக்கம் அளித்தது. 

இந்நிலையில், தேர்தலை தள்ளிவைக்கக்கோரிய 3 மனுக்களையும் சென்னை உயர்நீதிமன்றத்தின் நீதிபதிகள் மணிக்குமார் மற்றும் சுப்ரமணியன் ஆகியோர் அடங்கிய அமர்வு இன்று தள்ளுபடி செய்துள்ளது. அதேபோல், விழாவுக்கு வரும் பக்தர்களுக்கு எவ்வித இடையூறும் இல்லாமல் ஏற்பாடுகளை செய்ய வேண்டும் என்று தேர்தல் ஆணையத்திற்கு நீதிபதிகள் அறிவுறுத்தினர். 

Advertisement:
இது தொடர்பான செய்திகள் :
Advertisement:
Advertisement:
[X] Close