[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

கருணாநிதி நினைவிடத்தில் 40க்கு 40 பூ அலங்காரம்

karunanidhi-memorial-decoration-by-flowers-for-parliament-election

திமுக கூட்டணி 40 தொகுதிகளிலும் வெற்றி பெறும் என்ற நம்பிக்கையில் முன்னாள் முதல்வர் கருணாநிதியின் நினைவிடத்தில் 40க்கு 40 என்று மலர்களால் அலங்கரிக்கப்பட்டுள்ளது. 

நாடாளுமன்றத் தேர்தலில் திமுக கூட்டணியில் தொகுதிப்பங்கீடு நிறைவுற்ற நிலையில், நேற்று திமுகவின் தென்மண்டல மாநாடு விருதுநகரில் நடைபெற்றது. இந்நிலையில் சென்னை மெரினாவில் உள்ள முன்னாள் தலைவர் கருணாநிதியின் நினைவிடத்தில் ரோஜா மலர்களால் 40க்கு 40 என அலங்கரிக்கப்பட்டுள்ளது. இதுதவிர 2004ஆம் ஆண்டு நாடாளுமன்றத் தேர்தலின்போது, தமிழகம் மற்றும் புதுச்சேரியில் திமுக 40 தொகுதிகளையும் கைப்பற்றியிருந்ததுபோல, இந்தத் தேர்தலிலும் வெற்றிபெற வேண்டும் என்ற நோக்கம் திமுகவினரிடம் உள்ளது. 

அதுமட்டுமல்லாமல், கருணாநிதி உயிரிழ‌ந்த பிறகு நடைபெறும் முதல் பொதுத் தேர்தல் என்பதோடு, ஸ்டாலின் திமுக தலைவராக பொறுப்பேற்ற பிறகு நடைபெற உள்ள தேர்தல் என்பதால் திமுகவினர் இந்தத் தேர்தலை முக்கியம் வாய்ந்ததாகக் கருதுகின்றனர். முன்னதாக, கருணாநிதி இல்லாத பிறந்த நாளை தான் கொண்டாட விரும்பவில்லை என மு.க.ஸ்டாலின் பிறந்த நாள் கொண்டாட்டத்தை தவிர்த்திருந்தார். அத்துடன், 40 தொகுதிகளை வென்று அதனை கருணாநிதியின் பாதத்தில் சமர்ப்பிப்பதே தொண்டர்கள் தனக்கு தரும் பிறந்த நாள் பரிசாக இருக்க வேண்டும் எனவும் ஸ்டாலின் கேட்டுக்கொண்டிருந்தார்.

Advertisement:
Advertisement:
Advertisement:
[X] Close