[X] Close
JUST IN
  • BREAKING-NEWS மக்களவை தேர்தலுக்காக முதல்வர் மீது பொய் பரப்புரை செய்தால் மக்கள் பாடம் புகட்டுவர்; அரசியல் காழ்ப்புணர்வால் கோடநாடு விவகாரத்தில் பொய் புகார் பரப்பப்படுகிறது - அமைச்சர் தங்கமணி
  • BREAKING-NEWS கோடநாடு கொலை, கொள்ளை விவகாரத்தில் ஆளுனரிடம் ஸ்டாலின் குற்றம்சாட்டியது அரசியல் ஆதாயத்துக்காகத்தான் - கே.பி.முனுசாமி
  • BREAKING-NEWS 2 சுயேச்சை எம்எல்ஏக்கள் ஆதரவை வாபஸ் பெற்றதால் என்ன?; என் வலிமை எனக்கு தெரியும் - கர்நாடக முதல்வர் குமாரசாமி
  • BREAKING-NEWS சென்னை கிண்டி ராஜ்பவனில் ஆளுநர் பன்வாரிலாலுடன் கே.பி.முனுசாமி, மனோஜ் பாண்டியன், அதிமுக எம்.பி.க்கள் ஜெயவர்தன், வைத்திலிங்கம் சந்திப்பு
  • BREAKING-NEWS கர்நாடக அரசுக்கு அளித்துவந்த ஆதரவை வாபஸ் பெறுவதாக 2 சுயேச்சை எம்எல்ஏக்கள் அறிவிப்பு
  • BREAKING-NEWS கேரள மாநிலம் சபரிமலை பொன்னம்பலமேட்டில் மகரஜோதி தெரிந்தது; ஐயப்ப பக்தர்கள் ஏராளமானோர் தரிசனம் செய்தனர்
  • BREAKING-NEWS கோடநாடு கொலை, கொள்ளை விவகாரத்தில் முதல்வரை தொடர்புபடுத்தி குற்றஞ்சாட்டியுள்ளார்கள்; எஞ்சியுள்ள தடயங்களை அழிக்க முயற்சி நடைபெற்று வருகிறது - மு.க.ஸ்டாலின்

சிறுமி பாலியல் புகாரில் கைதான 16 பேரின் குண்டர் சட்டம் ரத்து

child-rape-case-chennai-hc-cancelled-goondas-act-on-16

சென்னையில் 12 வயது சிறுமிக்கு பாலியல் தொல்லை கொடுத்ததாக கைது செய்யப்பட்ட 16 பேர் மீதான குண்டர் சட்டத்தை, சென்னை உயர்நீதிமன்றம் ரத்து செய்துள்ளது. இதனால், சிறையில் உள்ள 16 பேருக்கும் ஜாமீன் கிடைக்க வாய்ப்புள்ளதாக கூறப்படுகிறது.

சென்னையில் அடுக்குமாடி குடியிருப்பில் வசிக்கும் பெற்றோர், தங்கள் மகள் பாலியல் வன்கொடுமைக்கு ஆளாக்கப்பட்டதாக புகார் அளித்தனர். இதுதொடர்பாக வழக்கு பதிந்த காவல்துறையினர் கடந்த ஆண்டு ஜூலை மாதம், 17 பேரை கைது செய்து புழல் சிறையில் அடைத்தனர். இதுதொடர்பாக குற்றப்பத்திரிகை தாக்கல் செய்யப்பட்ட நிலையில், கைதானவர்கள் மீது குண்ட‌ர் சட்டத்தின் கீழ் நடவடிக்கை எடுக்க, கடந்த செப்டம்பர் மாதம் உத்தரவிடப்பட்டது.

இந்நிலையில் தங்கள் மீதான குண்டர் சட்டத்தை ரத்து செய்யக்கோரி, குற்றம்சாட்டப்பட்ட 17 பேரும் சென்னை உயர்நீதிமன்றத்தில் மனுதாக்கல் செய்தனர். அதில் ஒருவர் மட்டும், தனது மனுவை வாபஸ் பெற்றுவிட்டார். இந்த வழக்கு நீதிபதிகள் சி.டி.செல்வம், ஹேமலதா ஆகியோர் அடங்கிய அமர்வில் விசாரணைக்கு வந்தது.

அப்போது, கைது செய்யப்பட்ட 30 நாட்களுக்குள் குண்டர் தடுப்புச் சட்டம் பதிவு செய்யப்பட வேண்டும் என்ற விதி உள்ள நிலையில், 40 நாட்களுக்கு பின்னரே இந்தச் சட்டம் பதிவு செய்யப்பட்டுள்ளது. அதனைச் சுட்டிக்காட்டிய நீதிபதிகள், 16 பேர் மீதான குண்டர் சட்டத்தை ரத்து செய்து உத்தரவிட்டனர். குற்றம்சாட்டப்பட்டுள்ள 17 பேர் தொடர்பான சாட்சியங்களையும், ஆதாரங்களையும், சேகரிக்க தாமதமாகி விட்டது என்ற காவல்துறையின் விளக்கத்தை ஏற்க நீதிபதிகள் மறுத்துவிட்டனர். இதனால், சிறையில் உள்ள 16 பேருக்கும் ஜாமீன் கிடைக்க வாய்ப்புள்ளதாக கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close