[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

சென்னையிலுள்ள கேரள ஹோட்டலில் இந்து முன்னணியினர் தாக்குதல்

kerala-bhavan-chennai-attacked-hindu-munnani-over-sabarimala

தமிழகத்தில் உள்ள கேரள அரசுக்கு சொந்தமான ஹோட்டல் மீது இந்து முன்னணி அமைப்பை சேர்ந்தவர்கள் தாக்குதல் நடத்தியுள்ளனர். சபரிமலை விவகாரத்தில் கேரள அரசை கண்டிக்கும் விதமாக அவர்கள் தாக்குதல் நடத்தியதாக கூறப்படுகிறது.

சபரிமலை ஐயப்பன் கோயிலுக்குள் அனைத்து வயது பெண்களும் செல்லலாம் என்று உச்சநீதிமன்றம் அளித்த தீர்ப்பை அடுத்து சில பெண்கள் சபரிமலைக்கு செல்ல முயன்றனர். பக்தர்களின் எதிர்ப்பு காரணமாக அவர்கள் உள்ளே நுழைய முடியாமல் திரும்பிவிட்டனர். சபரி மலையில் அனைத்து வயது பெண்களும் நுழைவதற்கு கேரள பாஜக மற்றும் காங்கிரஸ் கட்சிகள் எதிர்ப்பு தெரிவித்து வருகின்றன. அவர்கள் பல்வேறு கட்ட போராட்டங்களை நடத்தி வருகின்றனர். இதனால் சபரிமலை கோயில் மற்றும் அதனை சுற்றியுள்ள பகுதியில், போலீசார் பலத்த பாதுகாப்பு ஏற்பாடுகளை செய்துள்ளனர்.

இதனிடையே பிந்து, கனக துர்கா என்ற 2 பெண்கள், போலீஸ் பாதுகாப்புடன் ஐயப்பன் கோயிலில் சாமி தரிசனம் செய்தனர். இது பரபரப்பை ஏற்படுத்தியது. இதுகுறித்து பேசிய கேரள முதலமைச்சர் பினராயி விஜயன், உண்மையான ஐயப்ப பக்தர்களின் உதவியுடன் எவ்வித எதிர்ப்பும் இன்றி இரண்டு பெண்களும் சாமி தரிசனம் செய்ததாக கூறினார்.

அதேமசயம் பெண்கள் சபரிமலை வந்ததை கண்டித்து இன்று காலை 6 மணி முதல் மாலை 6 மணிவரை மாநிலம் தழுவிய முழு அடைப்பிற்கு சபரிமலை கர்ம சமிதி உட்பட பல்வேறு அமைப்புகள் ஏற்கனெவே அழைப்பு விடுத்திருந்தன. அதன்படி இன்று காலை முழு அடைப்பு தொடங்கியது. கோழிக்கோடு, கண்ணூர் மாவட்டங்களில் போராட்டக்காரர்கள் வாகனங்களை மறித்தனர். சாலையில் டயர்களை எரித்தனர். இதுதொடர்பான கலவரத்தில் 6 பேர் காயமடைந்துள்ளதாக கூறப்படுகிறது.

இந்நிலையில் தமிழகத்தில் உள்ள கேரள அரசுக்கு சொந்தமான ஹோட்டல் மீது இந்து முன்னணி அமைப்பை சேர்ந்தவர்கள் தாக்குதல் நடத்தியுள்ளனர். சென்னை ஆயிரம் விளக்கு பகுதியில் கேரள அரசுக்கு சொந்தமான ஹோட்டல் ஒன்று உள்ளது. இந்த ஹோட்டலுக்கு இன்று காலை வந்த 8 பேர் முதல் 10 பேர் கொண்ட கும்பல் ஹோட்டலின் ஜன்னல் கதவுகளை உடைத்துள்ளனர். இந்தச் சம்பவம் தொடர்பாக 6 பேர் கைது செய்யப்பட்டுள்ள நிலையில் போலீசார் தொடர்ந்து விசாரணை மேற்கொண்டு வருகின்றனர். இதனிடையே தாக்குதல் சம்பவத்தில் ஈடுபட்டவர்கள் இந்து முன்னணி அமைப்பை சேர்ந்தவர்கள் என போலீசார் கூறுகின்றனர்.

சென்னையில் கேளர அரசுக்கு சொந்தமான ஹோட்டல் மீது தாக்குதல் நடத்தப்பட்டுள்ளதால், தமிழகத்தில் கேரள அரசுகளுக்கு சொந்தமான நிறுவனங்கள் உள்பட அனைத்திற்கும் போலீசார் பலத்த பாதுகாப்பு ஏற்பாடுகளை செய்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close