[X] Close
JUST IN
  • BREAKING-NEWS கஜா புயல் பாதிப்புக்கு பிரதமரை சந்தித்து நிவாரண நிதி கோர டெல்லி புறப்பட்டார் முதலமைச்சர் பழனிசாமி
  • BREAKING-NEWS ஓசூர் அருகே தம்பதி ஆணவக்கொலை செய்யப்பட்ட விவகாரத்தில் சூடுகொண்டப்பள்ளியில் நந்தீஷ் பெற்றோரிடம் எஸ்.சி., எஸ்.டி ஆணைய துணைத்தலைவர் முருகன் விசாரணை
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை

மு.க.அழகிரிக்கு ஆதரவா ? - அதிரடியாய் நீக்கப்பட்ட திமுக நிர்வாகி

dmk-executive-suspended-for-support-mk-alagiri

திமுகவில் இருந்து வேளச்சேரி கிழக்குப் பகுதி செயலாளர் மு.ரவி அதிரடியாக நீக்கம் செய்யப்பட்டுள்ளார்.

முன்னாள் முதலமைச்சரும், திமுக தலைவருமான மு.கருணாநிதி மறைந்த பிறகு அக்கட்சியின் தலைவராக மு.க.ஸ்டாலின் பதவியேற்றார். அவர் பதவியேற்பதற்கு முன்பே திமுகவில் மு.க.அழகிரி சலசலப்பை ஏற்படுத்தினார். கருணாநிதியின் உண்மை விசுவாசிகள் என்பக்கம் உள்ளனர் என பகீர் தகவலை தெரிவித்தார். தன்னை திமுகவில் சேர்க்காவிட்டால் பின்விளைவுகளை சந்திக்க நேரிடும் என எச்சரித்தார். ஆனால் இது திமுக கட்சி நிர்வாகிகள் இடையே எந்த பாதிப்பையும் ஏற்படுத்தியதாக தெரியவில்லை என பலரும் தெரிவித்தனர். வரும் செப்டம்பர் 5ஆம் சென்னையில் பேரணியை நடத்தவுள்ளதாகவும், அதில் ஒரு லட்சம் பேர் பங்கேற்பதாகவும் அழகிரி கூறினார். இதற்கிடையே மு.க.ஸ்டாலினை தலைவராக ஏற்றுக்கொள்ளவும் தயார், ஆனால் கட்சியில் சேர்த்துக்கொள்ள வேண்டும் எனவும் அழகிரி கூறிவிட்டார்.

இந்நிலையில் திமுகவின் வேளச்சேரி கிழக்குப் பகுதி செயலாளராக இருந்த ரவி, மு.க.அழகிரிக்கு ஆதரவாக செயல்பட்டார் என கூறப்படுகிறது. இதனால் அவரை கட்சியின் அடிப்படை உறுப்பினர் பொறுப்பிலிருந்து தாற்காலிகமாக நீக்கியுள்ளதாக, திமுக பொதுச்செயலாளர் க.அன்பழகன் அறிவிப்பு வெளியிட்டுள்ளார். கட்சியின் கட்டுப்பாட்டை மீறியும், கழகத்திற்கு அவப்பெயர் ஏற்படும் வகையிலும் செயல்பட்டதால் அவர் மீது ஒழுங்கு நடவடிக்கை எடுக்கப்பட்டுள்ளதாக திமுக சார்பில் அவர் தெரிவித்துள்ளார்.

Read Also -> விமானத்தில் நடந்தது என்ன ? தமிழிசை விளக்கம்  

Advertisement:
Advertisement:
Advertisement:
[X] Close