[X] Close
JUST IN
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்

சமூக வலைத்தளங்கள் மூன்று வாரத்தில் பதிலளிக்க உத்தரவு

the-chennai-high-court-has-issued-notice-to-social-media

புலன் விசாரணை அமைப்புகள் கேட்கும் விவரங்களை வழங்க மறுப்பது தொடர்பாக விளக்கமளிக்க பேஸ்புக், வாட்ஸ் அப், யுடியூப் நிறுவனங்களுக்கு நோட்டீஸ் அனுப்ப சென்னை உயர்நீதிமன்றம் உத்தரவிட்டுள்ளது.

இணையதள குற்றங்கள் அதிகரித்து வருவதால் சைபர் குற்றவாளிகளை அடையாளம் காணும் வகையில் அனைத்து சமூக வலைத்தளங்கள் மற்றும் மின்னஞ்சல் கணக்குகளை துவங்க  ஆதாரை கட்டாயமாக்கக் கோரி ஆண்டனி கிளமெண்ட் ரூபன், உயர் நீதிமன்றத்தில் பொதுநல மனு தாக்கல் செய்திருந்தார்.

இந்த வழக்கு நேற்று நீதிபதிகள் மணிகுமார், சுப்ரமணிய பிரசாத் அமர்வில் விசாரணைக்கு வந்தது. அப்போது, சமூக வலைத்தளங்களில் பகிரப்படும் தவறான தகவல்களை தடுக்க மத்திய அரசிடம் அதிகாரம் உள்ளது எனவும், இதுபோன்ற இணையதள குற்றங்களில் ஈடுபடுவோர் மீது நடவடிக்கை எடுக்க புதிய விதிகளை உருவாக்குவது குறித்து ஆலோசனையில் ஈடுபட்டு வருவதாகவும் மத்திய அரசு தரப்பில் தெரிவிக்கப்பட்டது.

இந்நிலையில் இணையதள குற்றங்களில் சமூக வலைத்தளங்கள் முழு ஒத்துழைப்பு அளிக்கவில்லை என்றும், அதேசமயம் வேறு வழிகளில் தகவல்களை பெற்று நடவடிக்கை எடுத்து வருவதாக சென்னை மாநகர காவல்துறை தெரிவித்தது. இந்த வழக்கு இன்று மீண்டும் விசாரணைக்கு வந்தபோது, மத்திய அரசின் மூத்த வழக்கறிஞரான டாக்டர் வி.வெங்கடேசன் ஆஜராகி, சமூக வலைத்தளங்களுக்கு எதிரான புகார்களை விசாரிக்கும் போது, காவல்துறை கேட்கும் விவரங்களை சமூக வலைத்தளங்கள் கட்டாயம் வழங்க வேண்டும் என 2011ஆம் ஆண்டு உருவாக்கப்பட்ட விதிகள் வழிவகுக்கிறது என தெரிவித்தார். அவ்வாறு வழங்காத நிறுவனங்களுக்கு எதிராக நடவடிக்கை எடுப்பதற்கும், வழக்குப் பதிவு நிரூபிக்கப்பட்டால் சம்பந்தப்பட்ட நிறுவன அதிகாரிகளுக்கு 7 ஆண்டுகள் வரை சிறை தண்டனை விதிப்பதற்கும் விதிகள் இருப்பதாகவும் தெரிவித்தார். 

மேலும், சமூக வலைத்தளங்களுக்கு எதிராக வரும் புகார்களை விசாரிப்பதற்கு குறைதீர்ப்பாளரை அந்தந்த நிறுவனங்கள் நியமிக்க வேண்டும் என்று விதிகள் உள்ளதாகவும், ஆனால் அதுபோன்று நியமிக்கப்பட்டதாக தெரியவில்லை என்பதையும் நீதிமன்ற கவனத்திற்கு கொண்டுவந்தார். அதேசமயம், தனிநபர் விவரங்களை பாதுகாக்கும் வகையில் மத்திய அரசு மசோதா கொண்டு வரவுள்ளதாகவும் தெரிவித்தார். இதைப்பதிவு செய்த நீதிபதிகள், யுடியூப், ஃபேஸ்புக், வாட்ஸ்அப் நிறுவனங்களை வழக்கில் சேர்த்தும், நோட்டீஸ் அனுப்பவும் உத்தரவிட்டனர். 

மேலும் இதுவரை ஏன் குறைதீர்ப்பாளர்களை நியமிக்கவில்லை; நிறுவனங்களுக்கான அலுவலகங்கள் ஏன் இந்தியாவில் அமைக்கப்படவில்லை, காவல்துறை கேட்கும் விவரங்களை தர ஏன் மறுக்கப்படுகிறது ஆகியவை தொடர்பாகவும் மூன்று வாரத்தில் பதிலளிக்க உத்தரவிட்டு வழக்கை ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close