[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

மீண்டும் பெண் குழந்தையா..? மூன்று மாத குழந்தையை கழுத்தை அறுத்துக் கொன்ற தாய் ! 

a-mother-who-killed-her-three-month-old-baby

3 மாத பெண் குழந்தையை கழுத்தறுத்துக் கொன்று குப்பையில் வீசியதாக, பெற்ற தாயே கைது செய்யப்பட்டுள்ள சம்பவம் கோவையில் அதிர்ச்சியை ஏற்படுத்தியுள்ளது. 

கோவை கோவை மாவட்டம் சரவணம்பட்டி அடுத்த சிவானந்தபுரத்தைச் சேர்ந்தவர்கள் கார்த்திக், வனிதா தம்பதி. இவர்களுக்கு ஏற்கெனவே ஒன்றரை வயதில் பெண் குழந்தை உள்ள நிலையில், கடந்த 3 மாதங்களுக்கு முன் 2 ஆவதாக பெண் குழந்தை பிறந்தது. கவிஸ்ரீ என பெயரிடப்பட்ட அக்குழந்தையை வனிதா வளர்த்து வந்தார். இந்நிலையில், தாம் வீட்டில் குளித்துக் கொண்டிருந்தபோது, குழந்தையை யாரோ கடத்திச் சென்றுவிட்டதாக காவல் நிலையத்தில் புகார் அளித்தார் அவர். ஒருபுறம் உறவினர்களும், கிராமத்தினரும் குழந்தையைத் தேடி வந்த நிலையில், காவல்துறையின் விசாரணை தொடங்கியது. 

முதற்கட்ட விசாரணையில் முரணான தகவல்களைக் கொடுத்து காவலர்களை குழப்பியுள்ளார் வனிதா. குழந்தை கடத்தப்பட்டதற்கான எவ்வித கவலையும் இன்றி இயல்பா‌க இருந்த அவர் மீது சந்தேகம் வலுக்கவே, காவலர்கள் விசாரணை தீவிரப்படுத்தினர். விசாரணை முடிவில், குழந்தையை கத்தியால் கழுத்தை அறுத்துக் கொன்றதை வனிதா ஒப்புக் கொண்டதாக காவல்துறையினர் தெரிவித்திருப்பது உறவினர்களிடையே அதிர்ச்சியை ஏற்படுத்தியுள்ளது.

ஏற்கெனவே ஒரு பெண் குழந்தை உள்ள நிலையில், 2ஆவது ஆண் குழந்தை பிறக்கும் என்ற எதிர்பார்ப்பில் இருந்துள்ளனர் கார்த்திக், வனிதா தம்பதி. ஆனால், 2ஆவதும் பெண் குழந்தையாக பிறந்ததால் ஏமாற்றமடைந்த வனிதா, விரக்தியில் இருந்ததாக கூறப்படுகிறது. அதீத மன உளைச்சலில் இருந்த வனிதா, குழந்தையை கொன்றுவிட்டு நாடகமாடியது விசாரணையில் அம்பலமாகியுள்ளது. குழந்தையின் சடலத்தை மீட்ட காவல்துறையினர், உடற்கூறாய்வுக்காக மருத்துவமனைக்கு அனுப்பி வைத்துள்ளனர். இதுகுறித்து வனிதா மற்றும் அவரது நண்பரிடம் காவல்துறையினர் விசாரணை மேற்கொண்டு வருகிறது.

Advertisement:
Advertisement:
Advertisement:
[X] Close