[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்
  • BREAKING-NEWS புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து - உயர்நீதிமன்றம்
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து

உள்ளாட்சி தேர்தல் வழக்கு.. இன்று மீண்டும் விசாரணை

local-body-election-case-hearing-today-in-madras-hc

உள்ளாட்சி தேர்தல் தொடர்பான நீதிமன்ற அவமதிப்பு வழக்கு சென்னை உயர்நீதிமன்றத்தில் இன்று விசாரணைக்கு வருகிறது.

தமிழகத்தில் உள்ளாட்சி தேர்தலுக்கான அறிவிப்பை 2017-ம் ஆண்டு செப்டம்பர் 18-க்குள் வெளியிட்டு நவம்பர் 17-ம் தேதிக்குள் தேர்தலை நடத்தி முடிக்க வேண்டும் என மாநில தேர்தல் ஆணையத்துக்கு சென்னை உயர்நீதிமன்றம் கடந்தாண்டு உத்தரவிட்டிருந்தது. உத்தரவுப்படி தேர்தல் அறிவிக்கப்படாததால் மாநில தேர்தல் ஆணையர் மாலிக் பெரோஸ்கான், செயலாளர் ராஜசேகர் மீது திமுகவின் ஆர்.எஸ்.பாரதி நீதிமன்ற அவமதிப்பு வழக்கு தொடர்ந்திருந்தார்.

இதுதொடர்பாக கடந்த வாரம் நடந்த விசாரணையின்போது ஆஜரான தேர்தல் ஆணையர் மற்றும் செயலாளர் ஆகியோர், தொகுதி மறுவரையறை உள்ளிட்ட பணிகள் நிறைவடையாததால் தேர்தல் அறிவிப்பை வெளியிட இயலவில்லை என்றும் பணிகள் முடிந்தவுடன் 3 மாதங்களுக்குள் உள்ளாட்சி தேர்தல் தொடர்பான அறிவிப்பு வெளியிடப்படும் என்றும் விளக்கமளித்தனர்.

உத்தரவை மீறியதால் தேர்தல் ஆணையர் மற்றும் செயலாளரை நீதிமன்ற அவமதிப்பு சட்டத்தின்கீழ் சிறைக்கு அனுப்ப வேண்டும் என எதிர்தரப்பில் வாதிடப்பட்டது. இதனிடையே தலைமை நீதிபதி இந்திரா பானர்ஜி, உச்சநீதிமன்ற நீதிபதியாக நியமிக்கப்பட்டுள்ளதால் வழக்கை நீதிபதிகள் எம்.சத்தியநாராயணன், எம்.சுந்தர் அமர்வு விசாரிக்கும் என அறிவிக்கப்பட்டது. அதன்படி இவ்வழக்கின் மீதான விசாரணை இன்று மாலை 4 மணிக்கு நடைபெறுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close