[X] Close
JUST IN
  • BREAKING-NEWS புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து - உயர்நீதிமன்றம்
  • BREAKING-NEWS சென்னையில் பெட்ரோல் விலை லிட்டருக்கு 12 காசுகள் உயர்ந்து ரூ.72.94க்கு விற்பனை செய்யப்படுகிறது
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது

‘கருணாநிதியை நேரில் சந்தித்தேன்’ - குடியரசுத் தலைவர் ட்வீட்

i-met-dmk-chief-karunanidhi-president-ramnath-kovind-tweet

சென்னை காவேரி மருத்துவமனையில் திமுக தலைவர் கருணாநிதியின் உடல்நிலை குறித்து, குடியரசுத் தலைவர் ராம்நாத் கோவிந்த் நலம் விசாரித்தார். 

திமுக தலைவர் கருணாநிதி கடந்த ஒரு வாரத்திற்கு மேலாக ஆழ்வார்பேட்டையிலுள்ள காவேரி மருத்துவமனையில் சிகிச்சை பெற்று வருகிறார். அவரது உடல்நலம் குறித்து பல்வேறு தலைவர்கள் நேரில் வந்து விசாரித்த வண்ணம் உள்ளனர். இந்நிலையில், குடியரசுத் தலைவர் ராம்நாத் கோவிந்த் இன்று காவேரி மருத்துவமனை வருகை தந்து கருணாநிதியின் உடல்நலம் குறித்து நேரில் நலம் விசாரிக்கவுள்ளதாக செய்திகள் வெளியாகியிருந்தது. இதையொட்டி, சென்னை நகர் முழுவதும் பாதுகாப்பு பலப்படுத்தப்பட்டது. விமான நிலையம் முதல் காவேரி மருத்துவமனை வரை போக்குவரத்து ஏற்பாடுகள் கண்காணிக்கப்பட்டன.

இதனையடுத்து, 2.15 மணியளவில் ராம்நாத் கோவிந்த் சென்னை விமான நிலையம் வந்தார். சென்னை விமான நிலையத்தில் குடியரசு தலைவர் ராம்நாத் கோவிந்தை ஆளுநர் பன்வாரிலால், முதல்வர் பழனிசாமி, துணை முதல்வர் ஓபிஎஸ், சபாநாயகர், அமைச்சர் ஜெயக்குமார், தலைமைச் செயலாளர் கிரிஜா உள்ளிட்டோர் வரவேற்றனர். பின்னர், அங்கிருந்து சாலை மார்க்கமாக ராம்நாத் கோவிந்த் காவேரி மருத்துவமனைக்கு சென்றார்.

         

பிற்பகல் 2.45 மணியளவில் குடியரசுத் தலைவர் ராம்நாத் கோவிந்த் காவேரி மருத்துவமனைக்கு சென்றடைந்தார். திமுக தலைவர் கருணாநிதியை நேரில் சந்தித்தார். கருணாநிதியின் உடல்நிலை குறித்து மு.க.ஸ்டாலின், கனிமொழி உள்ளிட்டோரிடம் குடியரசு தலைவர் ராம்நாத் கோவிந்த் நலம் விசாரித்தார். 

இந்த சந்திப்பு குறித்து ராம்நாத் கோவிந்த் தனது ட்விட்டர் பக்கத்தில், ‘திமுக தலைவர் கருணாநிதியை நேரில் சந்தித்தேன். அவரது உடல்நலம் குறித்து குடும்பத்தார் மற்றும் மருத்துவரிடம் கேட்டறிந்தேன். தமிழக முன்னாள் முதல்வரும், முதுபெரும் தலைவருமான கருணாநிதி விரைவில் குணமடைந்த வாழ்த்துகிறேன்’ என்று குறிப்பிட்டுள்ளார். சென்னை பயணத்தை முடித்துக் கொண்டு, குடியரசுத் தலைவர் ராம்நாத் கோவிந்த் கேரளாவுக்கு புறப்பட்டு சென்றுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close