[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

சிலைக்கடத்தல் வழக்குகளை சிபிஐ விசாரிக்க அரசாணை

all-the-cases-related-to-the-statue-will-be-transferred-to-the-cbi

சென்னை பொருளாதார குற்றப் பிரிவு கூடுதல் டிஜிபியின் பரிந்துரையை ஏற்று சிலைக் கடத்தல் வழக்குகளை சிபிஐ விசாரணைக்கு மாற்ற முடிவு செய்யப்பட்டுள்ளதாக அரசாணையில் தெரிவிக்கப்பட்டுள்ளது. சிலைக் கடத்தல் தடுப்புப் பிரிவின் விசாரணையின் கீழ் இப்போதுள்ள வழக்குகள் மற்றும் எதிர்காலத்தில் எழக்கூடிய வழக்குகளையும் சிபிஐ விசாரிக்கும் என தமிழக அரசின் அரசாணையில் கூறப்பட்டுள்ளது. பழங்கால, அரிய சிலைகள் திருட்டு தொடர்பான வழக்குகளில் மாநிலங்கள், சர்வதேச தொடர்புகள் இருப்பதால் சுங்கத்துறை, வெளியுறவு மற்றும் மத்திய உள்துறை ஆகியவற்றின் உதவியுடன் விசாரிக்க வேண்டியுள்ளதாக அதில் தெரிவிக்கப்பட்டுள்ளது. 

வெளிநாடுகளில் உள்ள இந்திய தூதரகங்கள், வெளிநாட்டு அரசுகள், இந்தியாவில் உள்ள வெளிநாட்டு தூதரகங்கள் ஆகியவற்றின் ஒத்துழைப்புடன் சிலைக் கடத்தல் வழக்குகளை மிகத் தீவிரமாக விசாரிக்க வேண்டியுள்ளதால், உயர்நிலை அமைப்புகள், புலனாய்வு ஏஜென்சிகள் மூலம் விசாரிக்க வேண்டியுள்ளதாகவும் கூறப்பட்டுள்ளது. இதையடுத்து, சிலைக் கடத்தல் வழக்குகளை சிபிஐ விசாரணைக்கு மாற்றும் கொள்கை முடிவு எடுக்கப்பட்டுள்ளதாக சென்னை உயர் நீதிமன்றத்தில் தெரிவிக்கப்பட்டதையும் அதுதொடர்பான ஆணை மற்றும் முடிவுகளை அடுத்த விசாரணையின்போது தெரிவிக்க நீதிமன்றம் அறிவுறுத்தியதையும் அரசாணையில் சுட்டிக்காட்டப்பட்டுள்ளது. 

இந்த விஷயத்தில் அரசு கவனமாக பரிசீலித்ததில், சிலைக்கடத்தல் தொடர்பாக சிறப்பு விசாரணைக் குழு விசாரித்து வரும் வழக்குகளையும், எதிர்காலத்தில் எழக்கூடிய வழக்குகளையும் சிபிஐ விசாரணைக்கு மாற்றும் கூடுதல் டிஜிபியின் முடிவை ஏற்று இந்த அரசாணை வெளியிடப்படுவதாக தெரிவிக்கப்பட்டுள்ளது.

வீடியோ

Advertisement:
Advertisement:
Advertisement:
[X] Close