[X] Close
JUST IN
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை
  • BREAKING-NEWS மறு உத்தரவு வரும் வரை உள்ளாட்சி தேர்தலுக்கான வேட்புமனுக்களை பெற வேண்டாம்: மாநில தேர்தல் ஆணையம் உத்தரவு
  • BREAKING-NEWS அரசு ஊழியர்களுக்கு கட்டாய ஓய்வு என வெளியான செய்திகளில் உண்மையில்லை: தமிழக அரசு
  • BREAKING-NEWS உள்ளாட்சித் தேர்தல் வழக்கில் இன்று தீர்ப்பு வழங்குகிறது உச்சநீதிமன்றம்
  • BREAKING-NEWS உள்ளாட்சித் தேர்தலுக்கான வேட்பு மனுத் தாக்கல் இன்று தொடக்கம்

மெரினாவில் போராட்டம் நடத்த அய்யாக்கண்ணுக்கு உயர்நீதிமன்றம் அனுமதி

madras-high-court-ordered-to-allow-ayyakkannu-protest-in-marina

மெரினாவில் ஒருநாள் மட்டும் போராட்டம் நடத்த அய்யாக்கண்ணுக்கு அனுமதி அளிக்க சென்னை உயர்நீதிமன்றம் உத்தரவிட்டுள்ளது.

காவிரி மேலாண்மை வாரியம் அமைக்க வலியுறுத்தி சென்னை மெரினா கடற்கரையில் உண்ணாவிரதப் போராட்டம் நடத்த அனுமதிகோரி தென்னிந்திய நதிகள் இணைப்பு இயக்கத்தைச் சேர்ந்த அய்யாக்கண்ணு சென்னை உயர்நீதிமன்றத்தில் வழக்கு தொடர்ந்திருந்தார். இந்த வழக்கு நீதிபதி டி.ராஜா முன் விசாரணைக்கு வந்த போது, ’மெரினா‌ கடற்கரையில் போராட்டம் நடத்த யாருக்கும் அனுமதியில்லை’ என காவல்துறை தரப்பில் தெரிவிக்கப்பட்டது. மேலும், ‘ஜல்லிக்கட்டு போராட்டத்தை தவிர 2003-ம் ஆண்டிற்கு பின் மெரினாவில் போராட்டங்கள் நடைபெறவில்லை’ என அரசு கூடுதல் தலைமை வழக்கறிஞர் அரவிந்த் பாண்டியன் தெரிவித்தார். 

இதையடுத்து, காவிரியை விட மெரினா கடற்கரை முக்கியமா என நீதிபதி கேள்வி எழுப்பினார். மேலும், போராட்டங்களை ஒழுங்குப்படுத்த மட்டுமே அரசுக்கு அதிகாரம் உள்ளது என்றும், போராட்டங்களை தடுக்க அரசுக்கு எந்த அதிகாரம் இல்லை என்றும் நீதிபதி தெரிவித்தார். இதையடுத்து வழக்கின் தீர்ப்பு தேதியை குறிப்பிடாமல் நீதிபதி ஒத்திவைத்தார். 

இந்நிலையில், விவசாயி அய்யாக்கண்ணு ஒருநாள் மட்டும் மெரினாவில் உண்ணாவிரதம் இருக்க அனுமதிக்க வேண்டும் என்று சென்னை காவல்துறைக்கு நீதிபதி ராஜா உத்தரவிட்டார். 90 நாட்கள் உண்ணாவிரதம் இருக்க அனுமதி கேட்டு மனு தாக்கல் இருந்த நிலையில், ஒருநாள் மட்டும் உண்ணாவிரதம் இருக்க அனுமதி அளிக்கப்பட்டுள்ளது. எழுத்துரிமை, பேச்சுரிமையை வெளிப்படுத்துவதற்கு ஒவ்வொரு குடிமகனுக்கும் உரிமை உண்டு என்று தெரிவித்த நீதிபதி, அமைதி வழியில் உண்ணாவிரதம் இருக்க அனுமதிக்கலாம் என்று தெரிவித்தார். 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close