[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

நீட் மறுதேர்வில் பாரபட்சம்: பதிலளிக்க சிபிஎஸ்இ-க்கு உத்தரவு

high-court-orders-to-cbse

நீட் தேர்வு முடிவை வெளியிட தடை கோரும் வழக்கில் மே 24 ஆம் தேதிக்குள் பதிலளிக்க சிபிஎஸ்இக்கு உயர்நீதிமன்றம் உத்தரவிட்டு உள்ளது.

ஏற்கெனவே நடத்தப்பட்ட நீட் தேர்வை ரத்து செய்து, ஒரே மாதிரியான மறுதேர்வு நடத்த வேண்டும் என திருச்சியைச் சேர்ந்த மாணவர் உயர்நீதிமன்றத்தில் மனுத் தாக்கல் செய்திருந்தார். அந்த மனு நீதிபதி ஆர்.மகாதேவன் முன்னிலையில் இன்று விசாரணைக்கு வந்தது. அந்த மனுவில், நீட் தேர்வில் ஆங்கில வழி மற்றும் தமிழ் வழியில் தேர்வெழுதியவர்களுக்குக் கேள்விகள் ஒரே மாதிரியாகக் கேட்கப்படவில்லை. ஆங்கில வழியில் எழுதப்பட்ட தேர்வில் கேள்விகள் அனைத்தும் சிபிஎஸ்இ பாடத்திட்டத்தில் இருந்து கேட்கப்பட்டதால் கடினமாக இருந்தன. ஆங்கில வழியில் மாநிலப் பாடத் திட்டத்தைப் படித்த மாணவர்கள் என்ன செய்வார்கள்?

அத்துடன் தமிழகத்தில் ஆங்கில வழியில் தேர்வெழுதிய மாணவர்களுக்கு, ஆங்கிலத்தில் மட்டுமே கேள்விகள் கேட்கப்பட்டிருக்கின்றன. மற்ற மாநிலங்களில் பிராந்திய மொழி மற்றும் ஆங்கிலத்தில் கேள்விகள் கேட்கப்பட்டன. குறிப்பாக மேற்கு வங்கத்தில் ஆங்கில வழியில் தேர்வெழுதிய மாணவர்களுக்கு, ஆங்கிலம் மற்றும் வங்க மொழியிலும் ஆந்திர மாநிலத்தில் கேள்விகள் ஆங்கிலத்திலும், தெலுங்கிலும் கேட்கப்பட்டிருந்தன.

குறிப்பாக நீட் தேர்வில் கேட்கப்பட்டிருந்த 150 கேள்விகளும் பாரபட்சமாக இருந்தன. இதன்மூலம் மாணவர்களின் கல்வித் தரத்தை மதிப்பீடு செய்வதும் பாரபட்சமாகவே இருக்கும்.

இதனால் இந்தியா முழுக்கவும் ஒரே மாதிரியாக கேள்விகள் அமைக்கப்பட்டு மறுதேர்வு நடத்தப்பட வேண்டும். வழக்கு முடியும் வரை நீட் தேர்வு முடிவை அறிவிக்கத் தடை விதிக்க வேண்டும் எனக் கூறப்பட்டிருந்தது. இதனை விசாரித்த நீதிபதி ஆர்.மகாதேவன், இந்த வழக்கு தொடர்பாக மே 24-க்குள் சிபிஎஸ்இ இயக்குநர் பதிலளிக்க வேண்டும் என்று உத்தரவிட்டார்.

Advertisement:
இது தொடர்பான செய்திகள் :
Advertisement:
Advertisement:
[X] Close