[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

டாஸ்மாக் கடைகளை மாற்றியமைக்கும் முடிவை பரிசீலிக்க வேண்டும்: உயர்நீதிமன்றம் அறிவுரை

consider-the-decision-to-change-the-tasmac-high-court-advice

மக்கள் எதிர்ப்பு தெரிவிப்பதால், நெடுஞ்சாலையோரம் இருந்த டாஸ்மாக் கடைகளை இடம் மாற்றுவது தொடர்பான முடிவை தமிழக அரசு ஆழ்ந்து பரிசீலிக்க வேண்டும் என உயர்நீதிமன்றம் அறிவுரை கூறியுள்ளது.

மதுக்கடைகள் வேண்டாம் என்று கிராம சபைகளில் தீர்மானம் நிறைவேற்றியுள்ள கிராமங்களில் அவற்றை திறக்க‌க் கூடாது என்று உயர்நீதிமன்றம் தடை விதித்துள்ளது. இதை எதிர்த்து டாஸ்மாக் நிர்வாக இயக்குனர் சார்பில் தாக்கல் செய்யப்பட்ட கூடுதல் மனு, நீதிபதிகள் கல்யாணசுந்தரம், சுப்ரமணியம் ஆகியோர் அடங்கிய அமர்வு முன் விசாரணைக்கு வந்தது. அப்போது ஆஜரான அரசு தலைமை கூடுதல் வழக்கறிஞர் வெங்கட்ரமணி, மக்கள் எதிர்ப்பு தெரிவிக்கும் பகுதிகளில் டாஸ்மாக் கடைகளை திறக்க மாட்டோம் என்று உத்தரவாதம் அளித்தார்.

மதுக்கடைகளுக்கு எதிரான அமைதியான போராட்டங்களில் அரசு இடையுறு செய்யாது என்றும், அதேசமயம் பொதுமக்களுக்கும், போக்குவரத்துக்கும் இடையூறு ஏற்பட்டால் அதனை காவல்துறை தடுக்கும் எனவும் அவர் தெரிவித்தார். ஆனால், அரசின் வாய்மொழி உத்தரவாதத்தை நம்ப முடியாது என்று டாஸ்மாக் கடைக்கு எதிராக வழக்கு தொடர்ந்த மனுதாரர்கள் தெரிவித்தனர்.

இதைக் கேட்ட நீதிபதிகள், ஜனநாயகம் என்பது மக்களால் மக்களுக்காக உருவாக்கப்பட்டது என்பதை உணர்ந்து அவர்களின் விருப்பத்திற்கு அரசு மதிப்பளிக்க வேண்டும் என்று தெரிவித்தனர். ஆகையால், கூடுதல் டாஸ்மாக் கடைகளை அமைக்கும் முடிவுகளையும், நெடுஞ்சாலையோரம் இருந்த கடைகளை மாற்றி அமைக்கும் திட்டத்தையும் அரசு மறு ஆய்வு செய்ய வேண்டும் என்று கேட்டுக்கொண்டனர். தமிழகத்தில் பூரண மதுவிலக்கு கொண்டு வந்தால் வரவேற்கத்தக்கது என்று தெரிவித்த ‌நீதிபதிகள், கூடுதல் மனுவை முடித்து வைத்தனர்.

Advertisement:
Advertisement:
Advertisement:
[X] Close