[X] Close
JUST IN
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.
  • BREAKING-NEWS அயோத்தியில் டிசம்பர் 10-ஆம் தேதி வரை 144 தடை உத்தரவு

முதல்வர் உடல்நிலை குறித்து பேச நான் டாக்டர் அல்ல: திருநாவுக்கரசர்

thirunavukkarasar-prees-meet-at-chennai

முதலமைச்சர் உடல்நிலை குறித்து பேச நானும், ஆளுநரும் மருத்துவர்கள் அல்ல என தமிழக காங்கிரஸ் கமிட்டித் தலைவர் திருநாவுக்கரசர் தெரிவித்துள்ளார்.

ஆளுநர் வித்யாசாகர் ராவை இன்று ஆளுநர் மாளிகையில் சந்தித்த பின்னர், செய்தியாளர்களிடம் பேசிய திருநாவுக்கரசர், ஆளுநருடனான சந்திப்பு நட்பு ரீதியிலானது என்று குறிப்பிட்டார். இதில் முதலமைச்சரின் உடல்நிலை குறித்தோ, மாநில நிர்வாகம் குறித்தோ பேசவில்லை என்றார். முதலமைச்சர் உடல்நிலை குறித்துப் பேசுவதற்கு தாமும், ஆளுநரும் மருத்துவர்கள் அல்ல என்று கூறிய அவர், ராகுல் காந்தியின் சென்னை வருகையில் எந்தவித அரசியலும் இல்லை என்றார். மேலும், திமுகவுடன் கூட்டணி வைத்திருப்பதால், ஸ்டாலின் கூறிய கருத்தோடு ஒத்துப்போக வேண்டிய அவசியமில்லை என்றும் தெரிவித்தார்.

முன்னதாக நேற்று சென்னை விமானநிலையத்தில் செய்தியாளர்களை சந்தித்த மு.க.ஸ்டாலின், தமிழகத்தை காவிரி, முல்லைப் பெரியாறு, பாலாறு உள்பட பல்வேறு பிரச்சனைகள் சூழ்ந்துள்ள நிலையில், அரசின் நிர்வாகம் சீராக செயல்பட பொறுப்பு முதல்வரைத் தேர்வு செய்ய வேண்டும். இல்லையெனில், துணை முதலவரையாவது நியமிக்க வேண்டும் என்றார். அதே சமயத்தில் தமிழகத்தில் பொறுப்பு முதல்வரை நியமிக்க வேண்டிய அவசியம் இல்லை என்று சத்தியமூர்த்தி பவனில் செய்தியாளர்களைச் சந்தித்த திருநாவுக்கரசர் கூறினார்.

Advertisement:
Advertisement:
Advertisement:
[X] Close