[X] Close
JUST IN
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

'கடைசி நேரத்தில் போட்டியை ரத்து செய்ய முடியாது' - சவுரவ் கங்குலி

match-cannot-be-called-of-in-last-moment-says-bcci-chief-sourav-ganguly

ஒருநாள் மற்றும் இருபது ஓவர் கிரிக்கெட் போட்டிகளில் வீரர்கள் வண்ண உடை அணிந்து விளையாடுவது வழக்கம் என்றாலும், அவர்கள் முகக்கவசம் அணிந்து களமிறங்கும் சூழல் தற்போது உருவாகியுள்ளது. 

Image

தீபாவளிக்குப் பிறகு, டெல்லியில் கடுமையான காற்று மாசு‌ ஏற்பட்டுள்ளதால், பெரும்பாலான பொதுமக்கள் வீடுகளிலேயே முடங்கியுள்ளனர். டெல்லியிலுள்ள பள்ளிகளுக்கு வரும் 5 ஆம் தேதி வரை விடுமுறை அறிவிக்கப்பட்டுள்ளது. இத்தகைய‌ நிலையில் தான், இந்தியா- வங்கதேசம் இடையேயான முதல் இருபது ஓவர் போட்டி டெல்லியில் உள்ள அருண் ஜெட்லி மைதானத்தில் நடைபெறுகிறது. போட்டியை நடத்துவதற்கு சாதகமான சூழல்நிலை உள்ளதா ? என்றால் இல்லை என்று கூறவேண்டும். 

Image

மங்கலாகத் தெரியும் வானம், மாசு நிறைந்த மைதானம் என அனைத்தும் வீரர்களுக்கு சவாலாக உள்ளன. மின்னொளியில் போட்டி நடைபெற்றாலும் பந்து சரியாக கண்ணுக்குத் தெரியுமா என்ற சந்தேகம் எழுந்துள்ளது. இதனிடையே, வங்கதேச வீரர்கள் முகக்கவசம் அணிந்து ‌கொண்டு மைதானத்தில் பயிற்சி மேற்கொண்ட காணொலி வெளியாகியுள்ளது. ஆனால் இந்திய அணி வீரர்கள் முகக்கவசம் அணியாமல் பயிற்சியில் ஈடுபட்டனர்.

Image

இந்திய அணி போட்டியில் விளையாட தயாராக இருப்பதாக கேப்டன் ரோஹித் சர்மா, கிரிக்கெட் வாரியத்தின் தலைவர் சவுரவ் கங்குலியிடம் தெரிவித்துள்ளார். முன்னதாக இந்தப் போட்டி காற்று மாசு காரணமாக ரத்து செய்யப்படுமா ? என்று கங்குலியிடன் கேள்வி எழுப்பப்பட்டது. அதற்கு, கடைசி‌ நேரத்தில் போட்டியை ரத்து செய்ய இயலாது எனவும், திட்டமிட்டப்படி நடைபெறும் என்றும் அவர் ஆணித்தரமாகத் தெரிவித்தார்.‌

Advertisement:
இது தொடர்பான செய்திகள் :
Advertisement:
Advertisement:
[X] Close