[X] Close
JUST IN
  • BREAKING-NEWS மறைமுகத் தேர்தலுக்கான அவசரச் சட்டத்தை தமிழக அரசு உடனடியாக திரும்பப்பெற வேண்டும் - வேல்முருகன்
  • BREAKING-NEWS ஐ.என்.எக்ஸ் மீடியா வழக்கு: ப.சிதம்பரத்தை 2 நாட்கள் காவலில் எடுத்து விசாரிக்க அமலாக்கத்துறைக்கு அனுமதி
  • BREAKING-NEWS வெப்பச் சலனத்தால் அடுத்த 2 நாட்களுக்கு மிதமான மழைக்கு வாய்ப்பு: வானிலை ஆய்வு மையம்
  • BREAKING-NEWS இலங்கையின் புதிய பிரதமராக பதவியேற்றார் மகிந்த ராஜபக்ச
  • BREAKING-NEWS ராஜீவ் காந்தி கொலை வழக்கில் சிறையில் உள்ள ராபர்ட் பயஸ்-க்கு 30 நாட்கள் பரோல்: சென்னை உயர்நீதிமன்றம்
  • BREAKING-NEWS முல்லைப்பெரியாறு அணை அனைத்து வகையிலும் பாதுகாப்பாக இருக்கிறது - மத்திய அமைச்சர்
  • BREAKING-NEWS சீனாவில் உலகக்கோப்பை துப்பாக்கிச் சுடுதலில் தமிழக வீராங்கனை இளவேனில் தங்கப்பதக்கம்

முதல் இன்னிங்ஸில் இந்திய அணி 497 ரன்கள் எடுத்து டிக்ளேர் 

india-vs-south-africa-3rd-test-india-declares-at-497-runs

தென்னாப்பிரிக்க அணிக்கு எதிரான மூன்றாவது டெஸ்ட்டின் முதல் இன்னிங்ஸில் இந்திய அணி 497 ரன்கள் எடுத்து டிக்ளேர் செய்துள்ளது. 

இந்தியா- தென்னாப்பிரிக்க அணிகளுக்கு இடையேயான மூன்றாவது டெஸ்ட் போட்டி  ராஞ்சியில் நடந்து வருகிறது. நேற்று தொடங்கிய இந்தப் போட்டியில்,தொடக்கத்தில் 3 விக்கெட்டுகளை இழந்து இந்திய அணி தடுமாறியது. பின்னர் தொடக்க ஆட்டக்காரர் ரோகித் ஷர்மாவுடன் துணை கேப்டன் ரஹானே இணைந்தார். இருவரும் சரிவில் இருந்து, இந்திய அணியை மீட்டனர். சிறப்பாக ஆடிய ரோகித், அபாரமாக சதம் அடித்தார். இவர்களின் சிறப்பான ஆட்டத்தால் இந்திய அணி  முதல் நாள் ஆட்ட நேர முடிவில் 3 விக்கெட்டுகளுக்கு 224 ரன்கள் எடுத்திருந்தது. ரோகித் 117 ரன்களுடனும், ரஹானே 83 ரன்களுடனும் களத்தில் இருந்தனர்.

இரண்டாம் நாள் ஆட்டம் இன்று தொடர்ந்தது. சிறப்பாக ஆடிய ரஹானே சதம் அடித்தார். 2016-ஆம் ஆண்டுக்குப் பிறகு இந்திய மண்ணில் அவர் அடித்த சதம் இது. டெஸ்ட் போட்டிகளில் இது அவரது 11வது சதம். மறுமுனையில் ரோகித் சர்மா 150 ரன்களை கடந்தார். அடுத்து அதிரடி ஆட்டத்தில் ஈடுபட்ட ரஹானே, 115 ரன்களில் ஆட்டமிழக்க, ஜடேஜா, ரோகித் சர்மாவுடன் இணைந்தார். ரோகித்தும் ரஹானேவும் இணைந்து 4 வது விக்கெட்டுக்கு 267 ரன்கள் சேர்த்தனர். 

தொடர்ந்து சிறப்பாக ஆடிய ரோகித் சர்மா, இரட்டை சதம் அடித்து அசத்தினார். இரட்டை சதம் விளாசிய அடுத்த ஓவரிலேயே,  ரபாடா பந்தில் சிக்சர் அடிக்கும் முயற்சியில் நிகிடியிடம் கேட்ச் கொடுத்து ஆட்டமிழந்தார். அவர் 212 ரன்கள் எடுத்திருந்தார். இதில் 28 பவுண்டரியும் 6 சிக்சர்களும் அடங்கும். இதனைத் தொடர்ந்து சாஹா 24 ரன்களுடனும், ரவீந்தர ஜடேஜா 51 ரன்களுடனும் வெளியேறினர். 

இறுதியாக வேகபந்து வீச்சாளர் உமேஷ் யாதவ் அதிரடி காட்டினார். இவர் ஒரே ஓவரில் 3 சிக்சர்கள் விளாசினார். அத்துடன் இவர் 10 பந்துகளில் 5 சிக்சர்களுடன் 31 ரன்கள் குவித்து விக்கெட்டை இழந்தார். இந்திய அணி 9 விக்கெட் இழப்பிற்கு 497 ரன்கள் எடுத்திருந்த நிலையில் இந்திய கேப்டன் விராட் கோலி ஆட்டத்தை டிக்ளேர் செய்தார். தென்னாப்பிரிக்க அணி சார்பில் ஜார்ஜ் லின்டே 4 விக்கெட்களையும், ரபாடா 3 விக்கெட்களையும் வீழ்த்தினர். நார்ஜே மற்றும் பிடிட் தலா ஒரு விக்கெட்டை சாய்த்தனர். 

Advertisement:
இது தொடர்பான செய்திகள் :
Advertisement:
Advertisement:
[X] Close