[X] Close
JUST IN
  • BREAKING-NEWS தோனேசியாவைத் தாக்கிய சக்திவாய்ந்த நிலநடுக்கம். 7.4 ரிக்டர் அளவில் தாக்கிய நிலநடுக்கத்தால் சுனாமி எச்சரிக்கை விடுப்பு
  • BREAKING-NEWS கும்பகோணத்தில்‌ பாதாளச்சாக்கடையில் தவறி விழுந்து தொழிலாளி உயிரிழப்பு
  • BREAKING-NEWS பயங்கரவாதத்தால் ஆண்டுக்கு 70 லட்சம் கோடி ரூபாய் இழப்பு: பிரிக்ஸ் மாநாட்டில் பிரதமர் மோடி பேச்சு

இந்திய அணியில் தோனியின் நிலை என்ன? - கங்குலி கருத்து

will-find-out-what-selectors-think-about-ms-dhoni-s-future-sourav-ganguly

தோனி குறித்து தேர்வுக் குழுவினரின் கருத்தை அறிந்த பிறகே தோனியின் எதிர்காலம் குறித்து தெரிவிக்க முடியும் என்று பிசிசிஐ தலைவராக தேர்வாகியுள்ள சவுரவ் கங்குலி தெரிவித்துள்ளார். 

இந்திய கிரிக்கெட் அணியின் முன்னாள் கேப்டன் மகேந்திர சிங் தோனி. இவர் உலகக் கோப்பை தொடருக்கு பின் கிரிக்கெட் போட்டிகளில் பங்கேற்கவில்லை. இவர் உலகக் கோப்பை போட்டிகளுக்கு பின்பு சர்வதேச கிரிக்கெட்டிலிருந்து ஓய்வை அறிவிப்பார் என பலர் கருத்து தெரிவித்து வந்தனர். எனினும் தோனி இதுவரை தனது ஓய்வு குறித்த அறிவிப்பை வெளியிடவில்லை. 

இந்நிலையில் இந்திய அணியின் முன்னாள் வீரரும் தற்போது பிசிசிஐ தலைவராக தேர்வாகி உள்ளவருமான சவுரவ் கங்குலி தோனி நிலை குறித்து தெரிவித்துள்ளார். அதில், “வரும் 24ஆம் தேதி நான் இந்திய கிரிக்கெட் அணியின் தேர்வுக்குழுவினரை சந்திக்க உள்ளேன். அப்போது அவர்கள் தோனியின் நிலை குறித்து எடுத்துள்ள முடிவை தெரிந்துக் கொள்வேன். அதன்பின்னர் தான் தோனியின் எதிர்காலம் குறித்து தெரிவிப்பேன். மேலும் தோனியின் விருப்பத்தை அரிய அவரிடமும் பேச உள்ளேன்” எனத் தெரிவித்துள்ளார். 

முன்னதாக தேர்வுக்குழுவின் கூட்டம் வரும் 21ஆம் தேதி நடைபெறுவதாக இருந்தது. சவுரவ் கங்குலி 23ஆம் தேதி பிசிசிஐ தலைவராக பதவி ஏற்க உள்ளதால் தற்போது இந்தக் கூட்டம் வரும் 24ஆம் தேதி மாற்றப்பட்டுள்ளது. அதேசமயம் இந்தியா-பங்களாதேஷ் இடையேயான டி20 தொடரிலும் தோனி பங்கேற்க வாய்ப்பு மிகவும் குறைவு என தகவல் வெளியாகியுள்ளது குறிப்படத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close