[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

’நான் ஓய்வு பெறுவதா அறிவிக்கலையே..?’: கிறிஸ் கெய்ல்

chris-gayle-responds-to-retirement-rumours-after-3rd-odi

’சர்வதேச கிரிக்கெட்டில் இருந்து ஓய்வு பெறுவதாக அறிவிக்கவில்லை’ என்று தெரிவித்துள்ளார், வெஸ்ட் இண்டீஸ் கிரிக்கெட் விரர் கிறிஸ் கெய்ல்.

இந்திய அணி, வெஸ்ட் இண்டீஸில் சுற்றுப்பயணம் செய்து கிரிக்கெட் விளையாடி வருகிறது. டி20 தொடரை கைப்பற்றிய இந்திய அணி, ஒரு நாள் தொடரையும் கைப்பற்றியது. இரு அணிகளுக்கு இடையே நேற்று நடந்த கடைசி மற்றும் மூன்றா வது ஒரு நாள் போட்டியில், கிறிஸ் கெய்ல் அதிரடியாக விளையாடினார். அவர் 41 பந்தில் 72 ரன்கள் விளாசி ஆட்டமிழந்தார். அவர் ஆட்டமிழந்ததும் ஓய்வு பெற்றுவிட்டதாக நினைத்து, இந்திய வீரர்கள் அவருக்கு கைகொடுத்து வாழ்த்து தெரிவித்தனர். வெஸ்ட் இண்டீஸ் வீரர்கள் அனைவரும் எழுந்து நின்று அவரை வரவேற்றனர். இதனால் அவர் நேற்றைய போட்டியுடன் ஓய்வு பெற்றுவிட்டார் எனக் கூறப்பட்டது. 

ஏற்கனவே உலகக் கோப்பையுடன் அவர் ஓய்வு பெறுவார் என்று கூறப்பட்டது. பின்னர் அவருக்கு வழியனுப்பும் போட்டி ஒன்று நடத்தப்படும் என்றும் இந்தியாவுக்கு எதிரான ஒரு நாள் தொடர், அவருக்கு கடைசி தொடராக இருக்கும் என்று கூறப்பட்டது.

இந்நிலையில் கிறிஸ் கெய்ல், நேற்றைய போட்டிக்குப் பின் கூறும்போது, ‘’நான் ஓய்வு பெறுவதாக அறிவிக்கவில்லை. இப்போதும் வெஸ்ட் இண்டீஸ் அணியில்தான் தொடர்கிறேன். அடுத்த அறிவிப்பு வரும்வரை அணியில் தொடர்வேன்’’ என்று தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close